ស្វាយរៀងៈ គ្រោះថ្នាក់ចរាចរណ៍ដ៏រន្ធត់មួយបានកើតឡើង ដោយមានរថយន្តម៉ាក តូយ៉ូតាកាមរី មួយគ្រឿង បើកមិនប្រយត្ន័ទៅបុកតូបប៉ះកង់ រួចផ្លោងធ្លាក់ក្នុងប្រឡាយ រហូតបណ្តាលឲ្យមនុស្សម្នាក់ស្លាប់ និង៤នាក់ទៀតរងរបួសធ្ងន់និងស្រាល ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៣និង៣០នាទី ទៀបភ្លឺ ថ្ងៃទី២៧ ខែកញ្ញា ឆ្នាំ២០១៧ ស្ថិតនៅចំណុចផ្លូវជាតិលេខ១ ភូមិតាបឹប សង្កាត់បាវិត ក្រុងបាវិត ខេត្តស្វាយរៀង។

សូមបញ្ជាក់ថា ករណីគ្រោះថ្នាក់ចរាចរណ៍នេះគឺបណ្តាលមកពីការបើកបរលឿនធ្វេសប្រហែស ទើបបណ្តាលឲ្យមនុស្សម្នាក់ស្លាប់ និង៤នាក់ទៀតរងរបួសធ្ងន់ស្រាលបែបនេះ៕