ព័ត៌មានជាតិ

គ្រោះថ្នាក់ចរាចរណ៍ ថ្ងៃទី៨ មេសា នេះ កើតឡើង ១៥លើក សម្លាប់មនុស្ស ៧នាក់

(​ភ្នំពេញ​)៖​ នៅ​ថ្ងៃ​ទី​៨​ ខែមេសា​ ឆ្នាំ​២០១៦​ មាន​ករណី​គ្រោះថ្នាក់​ចរាចរណ៍​ នៅ​ទូ​ទាំង​ប្រទេស ​កើតឡើង​ចំនួន​ ១៥​លើក​ ក្នុង​នោះ​យប់​ ៧​លើក​ បណ្តាល​ឲ្យ​មនុស្ស​ស្លាប់​ ៩​នាក់​ រង​របួសធ្ងន់​ ៩​នាក់​ (​ស្រី​២​នាក់​)​ និង​របួសស្រាល​ ៤​នាក់​ (​ស្រី​១​នាក់​)​ ។​ ​ នៅ​ក្នុង​ហេតុការណ៍​គ្រោះថ្នាក់​ចរាចរណ៍​ទាំង​ ១៥​លើក​នេះ​ បណ្តាល​ឲ្យ​ខូចខាត​យានយន្ត​ សរុប​ ចំនួន​ ២០​គ្រឿង​ រួម​មាន​ ម៉ូតូ​ចំនួន​ ១០​គ្រឿង​ រថយន្ត​ធុន​តូច​ ៦​គ្រឿង​ រថយន្ត​ធុន​ធំ​ ៤​គ្រឿង​ ។​ ​

ប្រភព​ព័ត៌មាន​ដដែល​ប្រាប់​បន្ត​ឲ្យ​ដឹង​ថា​ មូលហេតុ​ដែល​បណ្តាល​ឲ្យ​កើត​មាន​ករណី​គ្រោះថ្នាក់​ចរាចរណ៍​ រួម​មាន​ ល្មើស​ល្បឿន​៩​លើក​(​ស្លាប់​៧​នាក់​),​មិន​ប្រកាន់​ស្តាំ​ ២​លើក​(​ស្លាប់​១​នាក់​)​ មិន​គោរព​សិទ្ធិ​ ២​លើក​​ ស្រវឹង​ ១​លើក​(​ស្លាប់​១​នាក់​ ងងុយដេក​ ១​លើក​ ។​ ក្នុង​នោះ​អ្នក​មិន​ពាក់មួក​សុវត្ថិភាព​ ពេល​គ្រោះថ្នាក់​ចរាចរណ៍​ ១៤​នាក់​ (​ យប់​ ៨​នាក់​ )​ ។​ ​ គ្រោះ​ថ្នាក់លើ​ដងផ្លូវ​ រួម​មាន​ ផ្លូវជាតិ​ ចំនួន​ ៨​លើក​ ផ្លូវ​ខេត្ត​ក្រុង​ ៥​លើក​ ផ្លូវលំ​ ២​លើក​ ។​ យានយន្ត​បង្កហេតុ​ រួម​មាន​ ម៉ូតូ​ ៤​លើក​ រថយន្ត​ធុន​តូច​ ៧​លើក​  រថយន្ត​ធុន​ធំ​ ២​លើក​ គោ​យន្ត​ ១​លើក​ ណូរី​ ១​លើក​ ។​ ​

យោង​តាម​របាយការណ៍​ពី​នាយកដ្ឋាន​សណ្តាប់ធ្នាប់​ នៃ​អគ្គស្នងការដ្ឋាន​នគរបាល​ជាតិ​ ប្រាប់​បន្ត​ទៀត​ឲ្យ​ដឹង​ថា​ ខេត្ត​ រាជធានី​ ដែល​មាន​គ្រោះថ្នាក់​ និង​រងគ្រោះថ្នាក់​ច្រើន​ រួម​មាន​ កំពង់ឆ្នាំង​ ២​លើក​ ស្លាប់​៣​នាក់​ (​ស្រី​១​នាក់​)​​ ព្រៃវែង​ ២​លើក​ ស្លាប់​១​នាក់​ (​ស្រី​)​ របួស​៣​នាក់​ (​ស្រី​២​នាក់​)​ កណ្តាល​ ២​លើក​ ស្លាប់​១​នាក់​ (​ស្រី​)​ របួស​១​នាក់​ ស្ទឹង​ត្រែង​ ២​លើក​ ស្លាប់​១​នាក់​ របួស​១​នាក់​ ប៉ៃលិន​ ១​លើក​ ស្លាប់​១​នាក់​ របួស​១​នាក់​ ព្រះ​សីហ​នុ​ ១​លើក​ ស្លាប់​១​នាក់​ និង​ព្រះ​វិហារ​ ១​លើក​ ស្លាប់​ ១​នាក់​ ៕

photo_2016-04-08_21-24-23

មតិយោបល់