បាត់ដំបង: ម៉ូតូចំនួន២គ្រឿង បើកបរខ្វះការប្រុងប្រយត្ន័ បានបុកគ្នាពេញទំហឹង រហូតបណ្តាលឲ្យបុរសម្នាក់ស្លាប់យ៉ាងរន្ធត់ និង២នាក់ទៀតរងរបួស ។

ហេតុការណ៍នេះកើតឡើងកាលពីវេលាម៉ោង២និង១០នាទី រសៀលថ្ងៃទី៣ ខែតុលា ឆ្នាំ២០១៧ ស្ថិតនៅចំណុច តាមបណ្តោយផ្លូវជាតិលេខ៥ ក្នុងស្រុកបាណន់ ខេត្តបាត់ដំបង។

គ្រោះថ្នាក់ចរាចរណ៍នេះ បង្កឡើងដោយម៉ូតូម៉ាក ហុងដាសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ បាត់ដំបង 1-T 3376 បើកបរដោយឈ្មោះ ខែម ចេម ភេទប្រុស អាយុ១៥ឆ្នាំ រស់នៅក្រុមទី១៤ ភូមិបាណន់ ឃុំកន្ទឺ២ បានបើកមកពីក្រោយវ៉ារថយន្តមួយគ្រឿង ក៏ជ្រុលទៅបុកជាមួយនឹងម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៥ ពាក់ស្លាកលេខ បាត់ដំបង 1-Q 9117 ដែលកំពុងបើកបរដោយឈ្មោះ ជន សាម៉េត ភេទប្រុស អាយុ៣៦ឆ្នាំ រស់នៅក្រុមទី៦ ភូមិកំប៉ង់កើត ឃុំកន្ទឺ២ រងរបួសធ្ងន់ យកទៅមន្ទីពេទ្យបង្កែកបាត់ដំបង រួមដំណើរជាមួយនិងឈ្មោះ ខ្លឹង គាវ ភេទប្រុស អាយុ៥៥ឆ្នាំ រស់នៅក្រុមទី ភូមិកំពុងពិល ឃុំកន្ទឺ១ ស្រុកបាណន់ បណ្តាលឲ្យស្លាប់តែម្តង។ ចំណែកម៉ូតូទាំង២គ្រឿង រងការខូចខាតយ៉ាងដំណំ៕