លោក Carlo Ancelotti មានបំណងចង់មកដឹកនាំក្រុម​កាំភ្លើងធំ Arsenal នៅក្រោយពេលដែលលោក ចប់កុងត្រាជាមួយក្រុម​ Bayer Munich ដើម្បីមកជំនួសតំណែងរបស់លោក Arsene Wenger គ្រូ​បង្វឹកចាស់វស្សារបស់ Arsenal ។

ការធ្លាយពត៌មានជាច្រើន ពីបំណងរបស់លោក Carlo Ancelotti ក្នុងការចង់មកដឹកនាំ ក្រុមនៅ Premier League កាន់តែច្បាស់ហើយ ថ្វីបើមិនទាន់មានក្លិបធំៗណាមួយនៅអង់គ្លេស ទាក់ទងលោក ក្រៅពី West Ham មួយប៉ុណ្ណោះ។ យ៉ាងណាវិញ បើតាមការឲ្យដឹងពី Talk Sports វិញ លោក Carlo Ancelotti មិនចង់មកដឹកនាំក្រុម​ West Ham United ឡើយ អតីតគ្រូបង្វឹក Chelsea រូបនេះ ចង់មកដឹកនាំក្រុមកាំភ្លើងធំ Arsenal ដែលជាក្រុមខ្លាំង​មួយ​ កំពុងស្ថិតក្រោមការដឹកនាំរបស់លោក Arsene Wenger ។ លោក Carlo Ancelotti ពិតជាចង់មកជំនួសតំណែងរបស់លោក លោក Wenger ណាស់ ព្រោះថា ​នៅ Arsenal ក៍មិនទាន់ច្បាស់ពីអនាគត់​របស់គ្រូបង្វឹកបារាំង Arsene Wenger ឡើយ។

ប្រសិនបើ​ រដូវកាលនេះ Arenal មិនឈ្នះពានអ្វីមួយ ហើយរបូតតំណែង Champion League ទៀតនោះ ប្រហែលជា Arsenal មិនបន្តកុងត្រាថ្មីដល់លោក Wenger ឡើយ។ ហេតុផលនេះហើយ ដែលលោក Carlo Ancelotti ចង់មកកាន់ Arsenal តែត្រូវរង់ចាំលទ្ធផល​អវិជ្ជមានរបស់លោក Arsene Wenger សិន។ យ៉ាងណាវិញ ប្រសិនបើលោក មិនអាចមកកាន់ Arsenal ទេនោះ គ្រូបង្វឹកអ៊ីតាលីរូបនេះ នឹងត្រឡប់មកកាន់ AC Milan វិញជាជាង ការមកកាន់ West Ham United ព្រោះថា លោកចង់ដឹកនាំក្លិបធំៗ​ មិនចង់ដឹកនាំក្លិបតូចឡើយ។

គួរបញ្ជាក់ផងដែរថា លោក Carlo Ancelotti ធ្លាប់ដឹកនាំក្លិបធំៗ​ ជាច្រើនដូចជា AC Milan, Chelsea, Paris Saint Germain, Real Madrid និង Bayern Munich ដូច្នេះហើយ គោលដៅបន្ទាប់របស់លោក គឺក្រុមកាំភ្លើងធំ Arsenal ។ រង់ចាំមើលថា តើលោក Carlo Ancelotti អាចសម្រេចក្តី ​បំណង ក្នុងការមកដឹកនាំក្រុមកាំភ្លើងធំ Arsenal ឬយ៉ាងណា?