តាកែវៈ កាលវេលាម៉ោង៩ និង៤០នាទីយប់ថ្ងៃទី០៧ ខែតុលា ឆ្នាំ២០១៧ បានឲ្យដឹងថា បុរសម្នាក់ឆក់ខ្សែរភ្លើង ដែលគេតឆក់កណ្តុរការពារស្រូវ ស្លាប់ភ្លាមៗ ខណៈកំពុងដើររកចាប់កូនកង្កែប ។

ហេតុការណ៍នេះ បានកើតឡើងនៅចំណុចស្រែរបស់ឈ្មោះ ឡុង ពេជ្រ ភេទប្រុស អាយុ២៥ឆ្នាំ ស្ថិតក្នុងភូមិទួលសាំងខ ឃុំអង្គរបូរី ស្រុកអង្គរបូរី ខេត្តតាកែវ ។

ជនរងគ្រោះដែលស្លាប់ មានឈ្មោះ ចេវ ប្រុស ភេទប្រុស អាយុ២៨ឆ្នាំ មានទីលំនៅភូមិ ឃុំកើតហេតុខាងលើ ។
ក្រោយទទួលបានព័ត៌មានភ្លាម កម្លាំងជំនាញអធិការដ្ឋាននគរបាលស្រុកអង្គរបូរី បានចុះដល់កន្លែងកើតហេតុ និងធ្វើការពិនិត្យសាកសព ឃើញថាពិតជាស្លាប់ ដោយសារឆក់ខ្សែរភ្លើងប្រាកដមែន ។

បច្ចុប្បន្ន សាកសពបានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី រីឯម្ចាស់ស្រែដែលតខ្សែភ្លើង សម្រាប់ឆក់កណ្តុរនោះ បានរត់គេចខ្លួនបាត់៕