ពោធិ៍សាត់: លោកអធិការក្រុងពោធិ៍សាត់ បានប្រាប់ Post News ថា ជនសង្ស័យម្នាក់ ត្រូវបានសមត្ថកិច្ចឃាត់ខ្លួនពាក់ព័ន្ធនឹងករណីលួចម៉ូតូ។
ហេតុការណ៍កើតឡើងនៅវេលាម៉ោង២ និង១០នាទីរសៀល ថ្ងៃទី១០ ខែតុលា ឆ្នាំ២០១៧ ស្ថិតនភូមិពាលញែក១ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។

ជនរងគ្រោះមានឈ្មោះ សា សុខខេង ភេទស្រី អាយុ៣០ឆ្នាំ មុខរបរ នៅផ្ទះ ស្នាក់នៅភូមិឃុំកើតហេតុ។ ជនសង្ស័យមានឈ្មោះ យឹម អៀក ភេទប្រុស អាយុ២៥ឆ្នាំ ស្នាក់នៅមិនពិតប្រាកដ មានស្រុកកំណើតនៅភូមិទួលខ្មែរ ឃុំស្នាមព្រះ ស្រុកបាកាន ខេត្តពោធិ៍សាត់។

នៅមុនពេលកើតហេតុ ជនរងគ្រោះបានទុកម៉ូតូនៅមុខផ្ទះ ក៏ត្រូវជនសង្ស័យលួចយក តែត្រូវម្ចាស់ឃើញទាន់ ចេញដេញចាប់ដោយសហការជាមួយសមត្ថកិច្ចនគរបាលប៉ុស្តិ៍ផ្ទះព្រៃ នៅពេលដែលជនសង្ស័យអូសបានប្រហែល៨ម៉ែត្រ ហើយដេញចាប់បាននៅកីឡដ្ឋានខេត្តពោធិ៍សាត់ ដែលស្ថិតនៅក្នុងភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ និងដកហូតកូនសោបានចំនួន២គ្រាប់។ ម៉ូតូដែលត្រូវចោរលួចគឺម៉ាក វ៉េវ ពណ៌ខ្មៅ ពាក់ស្លាកលេខ ពោធិ៍សាត់1A-8896 ។

បច្ចុប្បន្ន ជនសង្ស័យបានបញ្ជូនទៅកាន់អធិការដ្ឋានក្រុងពោធិ៍សាត់ ដើម្បីចាត់ការតាមនីតិវិធីច្បាប់៕