កំពតៈ ជនសង្ស័យម្នាក់ ត្រូវបានកម្លាំងនគរបាលខេត្តកំពត ធ្វើការឃាត់ខ្លួន ពាក់ពន្ធ័នឹងករណីជួញដូរនិងប្រើប្រាស់នូវគ្រឿងញៀនខុសច្បាប់។

ការឃាត់ខ្លួននេះបានធ្វើឡើងកាលពីវេលាម៉ោង៨យប់ ថ្ងៃទី១០ ខែតុលា ឆ្នាំ២០១៧ ស្ថិតនៅចំណុចភូមិបឹង ឃុំបឹងនិមល ស្រុកឈូក ខេត្តកំពត។

សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនបាននេះមានឈ្មោះ ឈាង សំណាង ហៅគាច ភេទប្រុស អាយុ ២០ ឆ្នាំ ជាជនពិការដៃ រស់នៅក្នុងភូមិត្បាច ឃុំជើងគួន ស្រុកសំរោង ខេត្តតាកែវ ដកហូតថ្នាំញៀនបានចំនួន២ កញ្ចប់តូច ។

បច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសំណុំរឿង បញ្ជូនខ្លួនទៅកាន់សាលាដំបូងខេត្តចាត់ការតាមផ្លូវច្បាប់បន្តទៀត៕