ភ្នំពេញ: ករណីគ្រោះថ្នាក់ចរាចរណ៍មួយបង្កទ្បើងដោយរថយន្តម៉ាកសាំយ៉ុង ដឹកសិស្សសាលាអន្តរជាតិវីខេន មួយគ្រឿងបើកបរដោយបុរសម្នាក់ បានបុកជាមួយម៉ូតូស៊ុយសាគីស្មាស់វី បណ្តាលឲ្យបុរសម្នាក់របួសធ្ងន់បាក់ភ្លៅ។

ហេតុការណ៍នេះបានកើតទ្បើងកាលពីវេលាម៉ោង១១និង១៥នាទីយប់ ថ្ងៃទី១២ ខែតុលា ឆ្នាំ២០១៧ ស្ថិតនៅតាមបណ្តោយផ្លូវវេងស្រេង សង្កាត់ ស្ទឹងមានជ័យ ខណ្ឌមានជ័យ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញ ម៉ូតូម៉ាកស៊ុយសាគីស្មាស់វីមួួយគ្រឿង ពណ៌ខ្មៅ ពាក់ស្លាកលេខ ភ្នំពេញ 1AU-3600 បើកបរដោយបុរសម្នាក់ អាយុប្រហែលជា៣០ឆ្នាំជាង ស្រាប់តែមានរថយន្តម៉ាកស៊ាំយ៉ុងមួយគ្រឿង ពណ៌ស ពាក់ស្លាកលេខ ភ្នំពេញ 2N-9454 បើករកឆ្លងផ្លូវ ក៏បណ្តាលឲ្យរថយន្តដែលជិះឆ្លងផ្លូវនោះត្រូវបានម៉ូតូបុកចំពីក្រោយរថយន្តពេញទំហឹងបណ្តាលឲ្យបុរសម្នាក់រងរបួសបាក់ភ្លៅ ត្រូវបានបញ្ជូនទៅកាន់មន្ទីពេទ្យ។ ចំណែកភ្លាមៗនោះ តៃកុងរថយន្តបើករថយន្តរត់គេចខ្លួនបាត់ ហើយត្រូវបានសមត្ថកិច្ចប្រទះឃើញរថយន្តនៅសួនឧស្សាហកម្មកាណាឌីយ៉ា ដែលផ្លុងចោលនៅទីនោះ ។

ក្រោយពេលកើតហេតុសមត្ថកិច្ចយករថយន្តនិងម៉ូតូយកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីរង់ចាំម្ចាស់រថយន្តចូលខ្លួនមកដោះស្រាយតាមផ្លូវច្បាប់បន្តទៀត ៕