អង់គ្លេសៈ កីឡាករ Zlatan Ibrahimovic បានព្រលយពាក្យថា ​លោកនឹង​ធ្វើសេចក្តីប្រកាស ទាក់ទងនឹង​អនាគត​របស់គាត់ នៅថ្ងៃទី​៧ ខែមិថុនា ផ្លាស់ទៅកាន់ក្លឹប​បិសាចក្រហម Manchester United នៅរដូវកាលនេះ។

យោងតាម metro ចុះផ្សាយនៅរាត្រីថ្ងៃទី៥មិថុនា​ បានឲ្យដឹងថា កីឡាករ​សញ្ជាតិស៊ុយអ៊ែត ត្រូវបានរំពឹង​យ៉ាងទូលំទូលាយ ដើម្បីក្លាយជាកីឡាករដំបូង ក្នុងតំណែងកាន់កាប់របស់ Jose Mourinho នៅបិសាចក្រហម បន្ទាប់ពីគ្រូបង្វឹករូបនេះ ជំនួសតំណែង​លោក Louis van Gaal កាលពីសប្តាហ៍មុន​។​

អតីតខ្សែប្រយុទ្ធ​ Juventus និង អ្នកមានបុណ្យ Barcelona បានបង្ហាញគោលដៅថ្ងៃខែ ដែលនឹងត្រូវទៅលេង​នៅអង់គ្លេស ដោយការបង្ហើបនេះ បន្ទាប់ពី​ស៊ុយអ៊ែត យកឈ្នះវែល លទ្ធផល ៣-០ ក្នុងការប្រកួតមិត្តភាព កាលពីសប្តាហ៍មុន​។​
កីឡាករ​អាយុ ៣៤ឆ្នាំ​និយាយថា «វានឹងមានការប្រកាសមួយដ៏ធំ នៅថ្ងៃទី​៧ ហើយ​ជាព័ត៌មានមួយដ៏ធំ​នៅរដូវក្តៅនេះ​»៕