ខ្សែប្រយុទ្ធ Neymar ជាប់ឈ្មោះជាកីឡាករទាត់ចូលបាន១០០គ្រាប់នៅក្លឹប FC Barcelona ដូចមិត្តរួមក្រុម Lionel Messi និង Luiz Suarez ដែរហើយ ក្រោយពីធ្វើបានកាលពីយប់មិញ១គ្រាប់។
Neymar បានបង្ហាខ្លួនឱ្យ FC Barcelona ចំនួន១៧៧ប្រកួតមកហើយ ដោយរកបានចំនួន១០០គ្រាប់ផងដែរ ពីការប្រកួតទាំងនោះ។ ដោយលទ្ធផលនេះ បានធ្វើឱ្យរូបគេក្លាយជាកីឡាករប្រេស៊ីលទី៣ដែលរកបានលើសពី១០០គ្រាប់នៅក្នុងប្រវត្តិសាស្ត្រក្លឹប FC Barcelona ផងដែរ។ មួយវិញទៀត រូបគេក៏បានចូលរួមជាមួយមិត្តរួមក្រុម Messi និង Suarez ផងដែរ ក្នុងនាមជាកីឡាករកំពុងលេងឱ្យក្រុមអ្នកមានបុណ្យហើយរកគ្រាប់បាល់បានលើស១០០គ្រាប់។
Neymar ត្រូវបានក្រុម Barcelona ទិញយកកាលពីឆ្នាំ២០១៣កន្លងទៅ ហើយគ្រាប់បាល់ដំបូងរបស់គេនោះធ្វើបានក្នុងជំនួបជាមួយក្រុម Atletico Madrid ក្នុងពានរង្វាន់ Supercopa de Espana ។ រដូវកាលដែលកីឡាករវ័យក្មេងរូបនេះធ្វើបានល្អជាងគេបំផុតនៅគឺនៅឆ្នាំ ២០១៤-២០១៥ ដោយខ្លួនឯងរកបានដល់៣៩គ្រាប់ និងជួយក្រុម Barca ឈ្នះពានដល់ទៅ៣ពានរង្វាន់ក្នុងឆ្នាំនោះ៕
មតិយោបល់