តាកែវ: កាលពីព្រឹកថ្ងៃទី៥ ខែមិថុនា ឆ្នាំ២០១៦នេះក្រុមការងារសារព័ត៌មានប្រចាំខណ្ឌសែនសុខបាននាំអំណោយទៅចែកជូនពលរដ្ឋទីទ័លក្រ និងពិការភាព៤គ្រួសារ ដល់លំនៅដ្ឋានរបស់ពួកគាត់ ដែលស្ថិតនៅភូមិ តាខុន ឃុំព្រៃល្វាស្រុកព្រៃកប្បាស ខេត្តតាកែវ។

-គ្រួសារទី១ ឈ្មោះ ហម ភុន អាយុ៣៧ឆ្នាំស្ត្រីមេម៉ាយកូន២ប្រកបមុខរបរដើរស៊ីឈ្នួលគេក្នុងភូមិ ជីវភាពទីទាល់ក្រ។

-គ្រួសារទី២ ឈ្មោះ គុយ វួច អាយុ៦៨ឆ្នាំស្នាក់នៅជាមួយម្តាយឈ្មោះ ខា ថោនអាយុ៨៧ឆ្នាំ។

-គ្រួសារទី៣ ឈ្មោះ ទុន ទេព ភេទប្រុស អាយុ ១១១ឆ្នាំ ជរានៅជាមួយក្នួយស្រីអាយុ៨៨ឆ្នាំ។

-គ្រួសារទី៤ឈ្មោះដាំ ឡេង ភេទប្រុសអាយុ៣៧ឆ្នាំ ពិការភាព។

អំណោយដែលផ្តល់ជូនដល់ប្រជាពលរដ្ឋទីទ័លក្រ និងពិការភាពទាំង៤គ្រួសារខាងលើ មួយគ្រួសារទទួលបាន អង្ករ២៥កីឡូក្រាម ទឹកបរិសុទ្ធ EURO TECH ចំនួន២កេស មី២កេស ទឹកផ្លែឈើ១កេស ត្រីខ១យួរ ទឹកស៊ីអ៊ីវ១យួរ ស្ករស១កីឡូក្រាមអំបិលអ៊ីយ៉ូត៤កីឡូក្រាម ប្រេងឆា១ដប ប៊ីចេងកន្លះគីឡូ រួមមានថវិកាចំនួន៨ម៉ឺនរៀល។

ខាងក្រោមជាបញ្ជីរាយនាមសប្បុរសជន ៖

1. ព្រះតេជគុណ ទុយ ភារុម្យ ចៅអធិការវត្តសែនសុខ មី២កេស ទឹកផ្លែឈើ ២កេស ថវិកា២០ $។
2. លោកស្រី វណ្ណ លុយ អគ្គនាយិកាទឹកបរិសុទ្ធ EURO TECH ទឹកបរិសុទ្ធ ១១ កេស។
3. លោក សឿន សុផាត នគរបាលផ្នែកអន្តរាគមន៍ខណ្ឌសែនសុខ (៣៣ប៉េ) មី១កេស ទឹកផ្លែឈើ ១កេស ថវិកា១០$ ។
4. លោក ញាណ នន នាយប៉ុស្តិ៍ឃ្មួញ មី១កេស។
5. លោកស្រី លាង ហ៊ីម ព្រមទាំងបុត្រាបុត្រី ២០ ម៉ឺនរៀល។
6. បង ខា សុគន្ធ មន្រ្តីសាលាខណ្ឌសែនសុខ អង្ករ ១០០ គីឡូ ទឹកត្រី៤យួរ ទឹកស៊ីអ៊ីវ៤យួរ ត្រីខ៤យួរ ស្ករ៤គីឡូ អំបិល១៦គីឡូ ប៊ីចេង២គីឡូ ថវិការ ១៦ម៉ឺនរៀល។
7. លោក សុវណ្ឌ សុខា និងភរិយា ប្រធានព័ត៌មានកម្ពុជា ប៉ុស្តិលេខ ៣ ទឺកត្រី១យួរ ទឹកស៊ីអ៊ីវ ១យួរ ត្រីខ២យួរ។
8. ពូលី ត្រពាំងឈូក ១០$។

ក្រុមការងារសារព័ត៌មានប្រចាំខណ្ឌសែនសុខបានឲ្យដឹងថា ពួកគេបានដឹងព័ត៌មានពីការខ្វះខាត និងរូបភាពជាក់ស្តែងតាមបណ្តាញទំនាក់ទំនងសង្គមដោយមានចិត្តអាណិតអាសូរក៏បាននាំគ្នាប្រមែប្រមូលជាថវិកាតិចក្តីច្រើនក្ដីទៅតាមលទ្ធភាពយកមកប្រគល់ជូនពួកគាត់ដល់លំនៅដ្ឋាន។ តាមរយ:នេះផងដែរក៏សូមឲ្យសប្បុរសជនជិតឆ្ងាយក្នុងក្រៅប្រទេសមេត្តាជួយវិភាគនិទានជួយដល់ពួកគាត់ក្នុងប្រយោជន៍ចូលរួមសង្គ្រោះសង្គមទាំងអស់គ្នា៕