ក្រចេះ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់បានស្លាប់នៅកន្លែងកើតហេតុ ក្នុងឧបទ្ទវហេតុគ្រោះថ្នាក់ចរាចរណ៍ រវាងរថយន្តនិងម៉ូតូ ។ ហេតុការណ៍នេះកើតឡើងនៅវេលាម៉ោង១៤និង៣០នាទី ថ្ងៃទី០៧ ខែសីហា ឆ្នាំ២០២១ ចំណុចផ្លូវបែកជាបួន ក្នុងភូមិស្រែថ្មី ឃុំឃ្សឹម ស្រុកស្នួល ខេត្តក្រចេះ ។
ប្រភពព័ត៌មានបានឲ្យដឹងថា មុនពេលកើតហេតុ ភាគីរថយន្តបានបើកថយក្រោយ ស្របពេលនោះភាគីម៉ូតូក៏បានបើកមកដល់ប៉ះទង្គិចជាមួយរថយន្តតែម្តង បណ្តាលឲ្យស្លាប់នៅកន្លែងកើតហេតុ ។ ចំណែកអ្នកបើករថយន្តបានគេចខ្លួនបាត់ បន្សល់ទុករថយន្ត ។
ក្រោយពីកើតហេតុ កម្លាំងនគរបាលចរាចរណ៍បានចុះធ្វើការវាស់វែង និងធ្វើកំណត់ហេតុអនុវត្តបន្តតាមនីតិវិធី ៕
មតិយោបល់