​រតនគិរីៈ ករណីគ្រោះថ្នាក់ចរាចរណ៍មួយបានកើតឡើងរវាង ម៉ូតូនិងម៉ូតូ បណ្តាលឲ្យស្លាប់២នាក់និងរបួសធ្ងន់ម្នាក់។
ហេតុការណ៍កើតឡើងនៅវេលាម៉ោង៨ និង១៥នាទីយប់ ថ្ងៃទី២៦ ខែតុលា ឆ្នាំ២០១៧ នៅលើ លើផ្លូវជាតិលេខ៧៨ ចំណុចមុខចំការយាយវីន ស្ថិតនៅ ភូមិត្រុំ ឃុំឡាមិញ ស្រុកបកែវ ខេត្តរតនគិរី។

ប្រភពដដែលបន្តថា អ្នកបើកបរម៉ូតូសេ១២៥ ពណ៌ខ្មៅ ពាក់ស្លាកលេខ រតនគិរី1C-8684 ឈ្មោះ សុខ តុលា ភេទប្រុស អាយុ២៣ឆ្នាំ ជនជាតិឡាវ មុខរបរកសិករ រស់នៅភូមិត្រុំ ឃុំឡាមិញ ស្រុកបកែវ ខេត្តរតនគិរី(ស្លាប់នៅកន្លែងកើតហេតុ) និងអ្នកបើកបរម៉ូតូម៉ាកស៊ីរ៉ូស ពណ៌ខ្មៅ គ្មានស្លាកលេខ
បើកបរដោយឈ្មោះ តុង រ៉ាវី ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករ រស់នៅភូមិអូរមៀត សង្កាត់ ឡាបានសៀក ក្រុងបានលុង ខេត្តរនគិរី(របួសធ្ងន់) និងអ្នករួមដំណើរម៉ូតូស៊ីរ៉ូស ឈ្មោះ គីម ឡេង ភេទប្រុស អាយុ៣៨ឆ្នាំ ជនជាតិខ្មែរ មុខរបរ កម្មករ រស់នៅភូមិឃុំជាមួយគ្នា(ស្លាប់នៅកន្លែងកើតហេតុ)។

មូលហេតុ ជំនាញអធិការស្រុកបកែវកុំពុងធ្វើការស្រាវជ្រាវ។
ក្រោយពេលកើតហេតុ សមត្ថកិច្ចជំនាញអធិការស្រុកបកែវបានចុះទៅដល់កន្លែងកើតហេតុ ធ្វើកំណត់ហេតុប្រគល់សាកសពអោយក្រុមគ្រួសារធ្វើបុណ្យតាមប្រពៃណី។

ចំណែកវត្ថុតាងជំនាញអធិការស្រុកបកែវបានធ្វើការដកហូតមករក្សារទុកដើម្បីបំពេញសំណុំរឿងទៅតាមនីតិវិធីនៃច្បាប់ បញ្ជូនសំណុំរឿងទៅតុលាការ៕