តាកែវៈ កាលវេលាម៉ោង ២ និង១៥ នាទីរសៀលនៅថ្ងៃទី១១ ខែវិច្ឆិកា ឆ្នាំ២០១៧ មានករណីគ្រោះថ្នាក់ចរាចរណ៍មួយ រវាងរថយន្តដឹកទំនិញធុនធំ មានកន្ទុយសណ្ដោង បើកក្រទ្បាប់កិនរថយន្តគ្រួសារ កំពុងចតទុកចោល តែសំណាងល្អ មិនបណ្ដាលឲ្យមានអ្នករងរបួសនោះទេ។

ហេតុការណ៍គ្រោះថ្នាក់នេះ បានកើតទ្បើងនៅលើផ្លូវគ្រោះ ត្រង់ចំណុចខាងមុខផ្ទះឈ្មោះ កើ ញ៉ ស្ថិតនៅក្នុងភូមិកំពង់ហ្លួង ឃុំអង្គរបូរី ស្រុកអង្គរបូរី ខេត្តតាកែវ។

រថយន្តដឹកទំនិញធុនធំ មានកន្ទុយសណ្ដោង ពណ៌ ត្រេអ៊ី ពាក់ស្លាកលេខ ភ្នំពេញ 3A-3479 កន្ទុយសណ្ដោងពាក់ស្លាកលេខ 4A-0059 ទិសដៅពីកើតទៅលិច បើកបរដោយឈ្មោះ មុន ណាក់ ភេទប្រុស អាយុ ២៥ឆ្នាំ មុខរបរអ្នកបើកបរ មានលំនៅភូមិអំពិល ឃុំស្លា ស្រុកសំរោង ខេត្តតាកែ បានក្រទ្បាប់ពីលើគូទរថយន្តគ្រួសារម៉ាក HIGHLANDER សេរី២០០២ ពណ៌ស ពាក់ស្លាកលេខ ភ្នំពេញ 2AH0557 ចតស្ងៀម ក្បាលរថយន្តទៅទិសខាងត្បូង ចំណែកគូទវិញ ទៅទិសខាងជើង បើកដោយឈ្មោះ សូ វុន ភេទប្រុស អាយុ៤៨ឆ្នាំ មុនរបរ គ្រូពេទ្យ (ស្ម័គ្រចិត្តសម្ដេចតេជោ) មានលំនៅសង្កាត់ទឹកថ្លា ខណ្ឌសែនសុខ រាជធានីភ្នំពេញ។

ក្រោយកើតហេតុសមត្ថកិច្ច បានចុះទៅដល់ធ្វើការវាស់វែង និងនាំយករថយន្តទាំងពីរមករក្សាទុកនៅប៉ុស្តិ៍នគរបាល ដើម្បីរងចាំដោះស្រាយនៅពេលក្រោយ៕