ព្រៃវែងៈ ករណីគ្រោះថ្នាក់ចរាចរណ៍មួយបានកើតឡើងរវាងរថយន្តបុកក្មេង បណ្តាលឲ្យរងរបួសធ្ងន់។

ហេតុការណ៍កើតឡើងនៅវេលាម៉ោង១០ និង៣០នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៧ នៅលើផ្លូវក្រួសក្រហម ស្ថិតនៅភូមិក្រវ៉ាន់ ឃុំក្រញូង ស្រុកកំចាយមារ ខេត្តព្រៃវែង។
រថយន្តបង្ក១គ្រឿង ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ 3A-5321 បើកបរពីជើងទៅត្បូង លុះមកដល់ចំណុចកើតហេតុបានបុកក្មេងឈ្មោះ ណែត សារីណា ភេទស្រី អាយុ៦ឆ្នាំ ស្នាក់នៅភូមិឃុំកើតហេតុ បណ្តាលរងរបួសធ្ងន់។ ត្រូវបានបញ្ជូនទៅមន្ទីរពេទ្យ ក្រោយមកជាអកុសលក៏បានស្លាប់។ អ្នកបើកបរបានរត់គេចខ្លួនបាត់។

ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ នាំយកវត្ថុតាង មករក្សាទុកនៅប៉ុស្តិ៍ក្រញូង រង់ចាំការស្រាវជ្រាវរកម្ចាស់រថយន្តដោះស្រាយ៕