ព្រះសីហនុៈ មានករណីគ្រោះថ្នាក់ចរាចរណ៍មួយ រវាងរថយន្តជីបម៉ុង ដឹកស៊ីម៉ង់ត៍សញ្ញាអូដ្ឋ ប៉ះរថយន្តបាឡែនផ្លាតទៅប៉ះរថយន្តដឹកថ្នាំពេទ្យ១តង់ទៀត ខូចខាតទាំង៣គ្រឿង។ សំណាងគ្មាននរណាម្នាក់រងបួស។

ហេតុការណ៍នេះបានកើតឡើងនៅម៉ោង៤និង៣០នាទី ល្ងាចថ្ងៃទី១៨ ខែវិច្ឆិកា ឆ្នាំ២០១៧ ស្ថិតនៅចំណុចគីឡូម៉ែត្រលេខ២១១-២១២ ផ្លូវជាតិលេខ៤ ភូមិចំណោទរាម ឃុំបិទត្រាង ស្រុកព្រៃនប់ ខេត្តព្រះសីហនុ។

ប្រភពព័ត៌មានបានបញ្ជាក់បន្ថែមថា ករណីនេះបង្កឡើងដោយរថយន្តម៉ាកហ៊ីយ៉ាន់ដាយ ពណ៌ទឹកក្រូចរបស់ក្រុមហ៊ុនជីបម៉ុង ដឹកស៊ីម៉ង់ត៍សញ្ញាអូដ្ឋ ពាក់ស្លាកលេខ ភ្នំពេញ 3A-4714 ធ្វើដំណើរមកពីខេត្តព្រះសីហនុ បានមកប៉ះជាមួយរថយន្តម៉ាក កាមរីបាឡែន បណ្តាលឲ្យផ្លាតទៅប៉ះនឹងរថយន្តដឹកថ្នាំពេទ្យមួយគ្រឿងទៀត បណ្តាលឲ្យខូចខាតទាំង៣គ្រឿង តែគ្មាននរណាម្នាក់របួសនោះទេ។

ក្រោយកើតហេតុ សមត្ថកិច្ចបានចុះទៅធ្វើការពិនិត្យវាស់វែង នាំយករថយន្តទាំង៣គ្រឿងទៅរក្សាទុកនៅប៉ុស្តិ៍រដ្ឋបាលបិទត្រាង ដើម្បីរង់ចាំដោះស្រាយគ្នាពេលក្រោយតាមច្បាប់បន្តទៀត៕