បាត់ដំបងៈ លោកអធិការស្រុកបាណន់ បានប្រាប់Post Newsថា មានករណីបុរសម្នាក់ បានឆក់ចរន្តអគ្គិសនីស្លាប់យ៉ាងអាណោចអាធ័ម បង្កឲ្យមានការភ្ញាក់ផ្អើលដល់សមត្ថកិច្ចចុះធ្វើការពិនិត្យ។

ហេតុការណ៍នេះបានកើតឡើងកាលពីវេលាម៉ផង១១និង៤៥នាទី ថ្ងៃទី១៨ ខែវិច្ឆិកា ឆ្នាំ២០១៧ ស្ថិតនៅចំណុចក្រុម៩ ភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង។

សពជនរងគ្រោះដែលស្លាប់មានឈ្មោះ មឺុន ចាន់រ៉ាត់ ភេទប្រុស អាយុ២១ឆ្នាំ រស់នៅភូមិឃុំកើតហេតុ បានរាយខ្សែភ្លើងចេញពីក្នុងផ្ទះដើម្បីយកភ្លើងផ្សាគោយន្តម៉ាសុីនបោកស្រូវ នៅនឹងផ្ទះរបស់ខ្លួន តែអកុសលក៏ឆក់ស្លាប់ភ្លាមៗតែម្តង។

បច្ចុប្បន្នសពជនរងគ្រោះខាងលើត្រូវបានសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារធ្វើបុណ្យតាមប្រពៃណី៕