កំពតៈ លោក អនុសេនីយ៍ឯក សូ ប៊ុនធឿន អធិការរងស្រុកទឹកឈូ ទទួលផ្នែកព្រហ្មទណ្ឌ បានប្រាប់Post News ថា មានករណីហិង្សារមួយបានកើតឡើង ដោយជនដៃដល់ម្នាក់ ជាប្តីចុងបានផឹកស្រវឹងផ្ទុះហិង្សារវាយប្រពន្ធរហូតជ្រុលដៃបណ្តាលឲ្យស្លាប់យ៉ាងអាណោចអាធ័ម។

ហេតុការណ៍នេះកើតឡើងនៅម៉ោង៨និង៣០នាទីយប់ថ្ងៃទី១៨ ខែវិច្ឆិកា ឆ្នាំ២០១៧ ស្ថិតនៅចំណុច ភូមិគោចិនលែង ឃុំថ្មី ស្រុកទឹកឈូ ខេត្តកំពត ។

ជនសង្ស័យឈ្មោះ ជិន ខុម ភេទប្រុស អាយុ៥៥ឆ្នាំ រស់នៅភូមិកើតហេតុខាងលើ បានប្រើអំពើហិង្សានៅពេលស៊ីផឹកទៅលើ ជនរងគ្រោះឈ្មោះ ជាម រឹម ភេទស្រី អាយុ៤៨ឆ្នាំ ហើយក្រោយពេលកើតហេតុមួយសន្ទុះ កូនៗបានទៅដឹកម្ដាយមកផ្ទះវិញនៅភូមិត្រពាំងច្រាប ឃុំថ្មី ស្រុកទឹកឈូ ស្រាប់តែកន្លះម៉ោងក្រោយមក ជនរងគ្រោះ ក៏បានស្លាប់បាត់តែម្ដង។

បច្ចុប្បន្នសមត្ថកិច្ចកំពុងស្រាវជ្រាវរកមូលហេតុ និងកសាងសំណុំបញ្ជូនខ្លួនជនសង្ស័យទៅកាន់សាលាដំបូងខេត្តចាត់ការតាមច្បាប់បន្តទៀត ចំណែកសពបានប្រគល់ឲ្យក្រុមគ្រួសារធ្វើបុណ្យតាមប្រពៃណី៕