កោះកុងៈ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើងរវាងរថយន្តនិងម៉ូតូ បណ្តាលឲ្យបុរស២នាក់រងរបួសធ្ងន់។

ហេតុការណ៍កើតឡើងនៅវេលាម៉ោង២ និង៣០នាទីរសៀល ថ្ងៃទី១៨ ខែវិច្ឆិកា ឆ្នាំ២០១៧ នៅលើផ្លូវក្រាលកៅស៊ូ ត្រង់ចំណុចផ្លូវសេរីកា ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។

រថយន្តបង្កម៉ាក Toyota Brighton ពណ៌ខ្មៅ ពាក់ស្លាកលេខ ភ្នំពេញ2Q-3003 លុះមកដល់ចំណុចកើតហេតុ បានបុកជាមួយម៉ូតូ MSX ពណ៌ផ្កាឈូក លាយខ្មៅបណ្តាលឲ្យរងរបួសធ្ងន់២នាក់តែម្តង។

ជនរងគ្រោះទាំង២នាក់ ទី១ឈ្មោះ អុល វិឆាយ ភេទប្រុស អាយុ២៣ឆ្នាំ មុខរបរ ជាទាហាន និងទី២ឈ្មោះ រី សុគន្ធ ភេទប្រុស អាយុ២២ឆ្នាំ មុខរបរ ទាហាន។ ជនរងគ្រោះទាំង២ ត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តកោះកុងភ្លាមៗផងដែរ។

ក្រោយពេលកើតហេតុ សមត្ថកិច្ចបានចុះមកដល់កន្លែងកើតហេតុ ធ្វើការវាស់វែង និងនាំយករថយន្តនិងម៉ូតូមករក្សាទុករង់ចាំការដោះស្រាយគ្នាពេលក្រោយ៕