កំពង់ឆ្នាំងៈ លោកអធិការរងស្រុករលាប្អៀរ ទទួលផ្នែកចរាចរណ៍ បានប្រាប់ Post News ថា មានករណីគ្រោះថ្នាក់ចរាចរណ៍រវាងរថយន្តហ៊ីយ៉ាន់ដាយភ្លៅ៥ និងរថយន្តហ៊ីយ៉ាន់ដាយភ្លៅ២ដឹកបន្លែ បណ្តាលឲ្យរថយន្តហ៊ីយ៉ាន់ដាយភ្លៅ២ក្រឡាប់ផ្ងារជើង រងរបួសធ្ងន់ស្រាល៣នាក់។
ហេតុការណ៍កើតឡើងនៅវេលាម៉ោង៥ និង១០នាទីព្រឹក ថ្ងៃទី២២ ខែវិច្ឆិកា ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតភូមិទួលខ្សាច់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង នាំយករថយន្តទាំង២គ្រឿងមករក្សាទុកនៅអធិការដ្ឋានរង់ចាំដោះស្រាយគ្នាតាមក្រោយ។ ចំណែកជនរងគ្រោះបានបញ្ជូនទៅមន្ទីរពេទ្យភ្លាមៗផងដែរ៕
មតិយោបល់