សៀមរាបៈ លោកអធិការរងស្រុកប្រាសាទបាគង បានប្រាប់ Post Newsថា មានករណីគ្រោះថ្នាក់ចរាចរណ៍មួយ បានកើតឡើង រវាងរថយន្តឡិចស៊ីស បើកបុកបង្កាន់ដៃស្ពានរួចធា្លក់ចូលទឹក បណ្តាលឲ្យជនរងគ្រោះស្លាប់ភ្លាមៗ នៅនឹងកន្លែង។
ហេតុការណ៍នេះ បានកើតឡើង កាលពីវេលាម៉ោង១និង៥នាទីយប់ ថ្ងៃទី២២ ខែវិច្ឆិកា ឆ្នាំ២០១៧ នៅត្រង់ចំណុចផ្លូវជាតិលេខ៦ ស្ថិតក្នុងភូមិអន្លង់ពី ឃុំត្រពាំងធំ ស្រុកប្រាសាទបាគង ខេត្តសៀមរាប។
ជនរងគ្រោះមានឈ្មោះ ញឹម សុបញា ភេទប្រុស អាយុ៣៩ឆ្នាំ ស្នាក់នៅភូមិរកា ឃុំកំពង់ចិនជើង ស្រុកស្ទោង ខេត្តកំពង់ធំ បើករថយន្តមួយគ្រឿងម៉ាក ឡិចស៊ីស ពាក់ស្លាកលេខ ភ្នំពេញ 2AG-7637។
ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុកនៅអធិការដ្ឋាននគរបាល ចំណែកសាកសពប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់