ត្បូងឃ្មុំៈ ហេតុការណ៍ភ្ញាក់ផ្អើលមួយបានកើតឡើង ក្រោយពីប្រទះឃើញបុរសម្នាក់ ធ្វើអត្តឃាត ចងកសម្លាប់ខ្លួននឹងដើមស្វាយ កាលពីយប់ថ្ងៃទី២៤ ខែវិច្ឆិកា ឆ្នាំ២០១៧ បង្កឲ្យមានការភ្ញាក់ផ្អើលដល់ប្រជាពលរដ្ឋ ក្នុងបរិវេណដីភូមិជើងខាល ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។

ជនរងគ្រោះមានឈ្មោះ ប៊ុន រស្មី ភេទប្រុស អាយុ២៧ឆ្នាំ រស់នៅភូមិឃុំកើតហេតុខាងលើ ជាមនុស្សពោះម៉ាយ ទើបលែងលះប្រពន្ធ រយៈពេលជិត៣ខែកន្លងមក។
តាមការសន្និដ្ឋាន របស់ប្រជាពលរដ្ឋ នៅជុំវិញកន្លែងកើតហេតុថា ជនរងគ្រោះជាជនកំព្រាឪពុកម្តាយ គ្មានផ្ទះសម្បែង ប្រពន្ធលែងលះ ម្លោះហើយជនរងគ្រោះរស់នៅតែលតោល ក៏សម្រេចចិត្តធ្វើអត្តឃាតតែម្តង៕