បន្ទាយមានជ័យៈ សមត្ថកិច្ចបានចុះឆែកឆេរផ្ទះសំណាក់ស្រេង ល្អ និងឃាត់ខ្លួនជនសង្ស័យ២នាក់ ពាក់ព័ន្ធនឹងករណីរក្សាទុកខុសច្បាប់ នូវសារធាតុញៀន។

ការចុះបង្ក្រាប និងឃាត់ខ្លួនខាងលើនេះ បានប្រព្រឹត្តទៅ កាលពីម៉ោង២និង៥០នាទីរសៀល ថ្ងៃទី២៨ ខែវិច្ឆិកា ឆ្នាំ២០១៧
ស្ថិតក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

ជនសង្ស័យទី១មានឈ្មោះ ឆាយ ម៉ៅ ហៅចិត្ត ភេទប្រុស អាយុ៣៩ឆ្នាំ ស្នាក់ នៅភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ
និងជនទី២មានឈ្មោះ តាន់ សុភក្រ័ ភេទប្រុស អាយុ១៩ឆ្នាំ ស្នាក់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

វត្ថុតាងដែលសមត្ថកិច្ចជំនាញធ្វើការដកហូត រួមមាន ជញ្ជីង សំរាប់ថ្លឹងថ្នាំញៀនចំនួន១គ្រឿង ពណ៌ទឹកប្រាក់កំរបខ្មៅ
ទូរសព្ទដៃចំនួន១គ្រឿង ម៉ាកអិនចុចពិល ដែកកេះចំនួន៥គ្រឿង
បំពង់កែវចំនួន១ ថង់ផ្លាស់ស្ទិចសំរាប់ច្រកថ្នាំចំនួន៤
និងកន្ត្រៃចំនួន១ដើម ពណ៌លឿង។

នៅចំពោះមុខសមត្ថកិច្ច ជនសង្សយ័ ឈ្មោះ មៅ ចិត្ត ហៅចិត្ត បានសារភាពថាខ្លួនពិតជាបានចាក់ថ្នាំញៀនចូលក្នុងបង្គន់អស់ ប្រាកដមែន ខណៈដែលសមត្ថកិច្ចបានគោះទ្វារ ដើម្បីឆែកឆេរកគ្រឿងញៀនខុសច្បាប់ នៅក្នុងបន្ទប់ផ្ទះសំណាក់ខាងលើ។

បច្ចុប្បន្ន សមត្ថកិច្ចបាននាំខ្លួនជនសង្ស័យនិងវត្ថុតាង មកអធិការដ្ឋាននគរបាលស្រុក ដើម្បីកសាងសំណុំរឿងដោះស្រាយបន្តតាមផ្លូវច្បាប់៕