(ភ្នំពេញ)៖ យុវជន ០២នាក់ បានជិះម៉ូតូលឿន ជ្រុលទៅបុកជាមួយរថយន្ត ១គ្រឿង ដែលបើកបញ្ជ្រាទិសគ្នា កាលពីវេលាម៉ោង៧ និង៣០នាទីព្រឹក ថ្ងៃទី១០ ខែមេសា ឆ្នាំ២០១៦ នៅត្រង់ចំណុចមុខមណ្ឌលសុខភាព លោកសង្ឃ លើផ្លូវជាតិលេខ៥ ស្ថិតនៅក្នុងភូមិគ្រួស សង្កាត់សំរោង ខណ្ឌព្រែកព្នៅ ។
ជនរងគ្រោះដែលស្លាប់នោះមាន ទី១ ឈ្មោះ វ៉ាន់ វិច្ឆ័យ ភេទ ប្រុស អាយុ ១៩ឆ្នាំ និងទី២ ឈ្មោះ ឡៃ វ៉ាន់នុត ភេទ ប្រុស អាយុ ២០ឆ្នាំ អ្នកទាំង២ មានទីលំនៅ ភូមិពាមជំនិក ឃុំកំពង់ហ្លូង ស្រុកពញាញ ខេត្តកណ្តាល។
បើតាមសាក្សីនៅនឹងកន្លែងកើតហេតុ បានប្រាប់ Post News ឲ្យដឹងថា នៅមុនពេលកើតហេតុ គេបានឃើញយុវជន ២នាក់ បានជិះម៉ូតូ មួយគ្រឿង ម៉ាក HONDA ZOOMER ពណ៌ខ្មៅ គ្មានស្លាកលេខ បើកបរក្នុងទិសដៅពីត្បូងមកជើង លុះមកដល់ចំណុចកើតហេតុខាងលើ បានបុកជាមួយរថយន្ត មួយគ្រឿង ម៉ាក HIGH LANDER ពណ៌ សពាក់ស្លាកលេខ ភ្នំពេញ 2AF-4176 ដែលបានបើកបរក្នុងទិសដៅពីជើងទៅត្បូង ក្រោយពីកើតហេតុ អ្នកបើកបររថយន្ត បានរត់គេចខ្លួនបាត់។
ក្រោយពីកើតហេតុ សមត្ថកិច្ចជំនាញចរាចរជើងគោក បានចុះមកវាស់វែងយករថយន្ត និងម៉ូតូ ទៅរក្សាទុក្ខនៅការិយាល័យនគរបាលចរាចរជើងគោក ដើម្បីធ្វើរង់ចាំការដោះស្រាយគ្នា។ ក្រោយពីវាស់វែងរួច សមត្ថកិច្ច បានប្រគល់សាកសពទៅក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់