ប្រភពព័ត៌មានពី មេត្រូបានចុះផ្សាយឲ្យដឹងថា បិសាចក្រហម Manchester United ដាក់សំណើររួចរាល់ហើយ ចំនួន ១២០ លានផោន ប្រហែល ១៨៧ លានដុល្លារនាំយកកីឡាករ Gareth Bale ពី Real Madrid ដោយមានលោក Louis van Gaal ផ្ទាល់ជាអ្នកស្នើសុំ។
កីឡាករ Gareth Bale មានទំនាក់ទំនងយ៉ាងខ្លាំង ក្នុងរយៈពេល ៣ ទៅ ៤ សប្តាហ៍កន្លងទៅនេះ ដើម្បីវិលមកកាន់ទឹកដី អង់គ្លេស ក៏ដូចជា ពហុកីឡដ្ឋាន Old Traford ចំពេលដែលគាត់កំពុងមិនសប្បាយចិត្តនៅលើទឹកដី អេស្ប៉ាញ ។
អ្នកនាំពាក្យកីឡាករ សញ្ជាតិវែលរូបនេះ បានបញ្ជាក់ប្រាប់ សារព័ត៌មាន AS ថា បិសាចក្រហមកំពុងតែជំរុញ នាំយកកីឡាករ Gareth Bale ដោយដាក់សំណើរ ចំនួន ១២០ លានផោន។
ប្រភពខាងលើបានបន្តថា លោក Van Gaal កំពុងធ្វើការសស្រាក់សស្រាំលើ ចំណុចនេះ ធ្វើយ៉ាងណា ដើម្បីឈានទៅរកកំពូលតារាង ក្នុងពេលឆាប់ៗខាងមុខ វិញ ៕
មតិយោបល់