កំពតៈ យុវជនម្នាក់ ត្រូវបានស្លាប់ភ្លាមៗខណៈបុរសម្នាក់ទៀតរបួសធ្ងន់ បន្ទាប់ពីជិះម៉ូតូឌុបគ្នាត្រឡប់មកពីធ្វើការនៅរមណីយដ្ឋានឋានសួគ៌បូកគោ ពេលនោះម៉ូតូបែកកង់ បណ្ដាលឲ្យរេចង្កូត ទៅបុកបង្គោលស្លាកចរាចរណ៍។
ជនរងគ្រោះទី១. ឈ្មោះ វី អាយុ ២៥ឆ្នាំ មានទីលំនៅភូមិកែបថ្មី ឃុំបឹងទូក ស្រុកទឹកឈូ ខេត្តកំពត និងទី២.ឈ្មោះ សូ ចន់ណា អាយុ ៣២ឆ្នាំ រស់នៅភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត។
តាមសមត្ថកិច្ច បានឲ្យដឹងថា កាលពីវេលាម៉ោង៦ និង១០នាទីល្ងាចថ្ងៃទី៧ ខែមករា ឆ្នាំ២០១៨ កម្លាំងខ្លួនទទួលបានព័ត៌មានពីអ្នកដំណើរថា ប្រទះឃើញយុវជនម្នាក់ដេកស្លាប់ រីឯបុរសម្នាក់ទៀតរបួសធ្ងន់ ជាមួយនឹងម៉ូតូមួយគ្រឿង បានដួលនៅផ្លូវចុះពីភ្នំបូកគោត្រង់ចំណុចអូរដំរីងាប់។
ហេតុការណ៍គ្រោះថ្នាក់នេះ សមត្ថកិច្ចបានបញ្ជាក់ថា បានកើតទ្បើងដោយខ្លួនឯង ខណៈពេលកំពុងជិះនោះ ស្រាប់តែម៉ូតូបែកកង់ក៏រេចង្កូច ទៅបុកបង្គោលចរាចរណ៍ពេញទំហឹង៕
មតិយោបល់