អង់គ្លេស៖ គ្រាន់តែរយៈពេល ២ ទៅ ៣ ខែ ដែល កីឡាករ Chicharito មិនបានបង្ហាញទម្រង់លេងនៅលើទីលាន ស្រាប់តែកីឡាកររូបនេះ បានចេញមុខបកស្រាយពីការខកចិត្ត ជាមួយនឹង David Moyes ដែលមិនបានផ្តល់ឱកាសឲ្យខ្លួនបានលេង ។ Chicharito បាននិយាយច្រើន ពីបញ្ហាទាក់ទងទៅនឹង 2014 World Cup សម្រាប់ ម៉ិចស៊ិកូ ដែលជាជាតិរបស់ខ្លួន ដោយក្នុងនោះគាត់បានលើកហេតុផលថា ការលេងមិនទៀងទាត់វាប៉ះពាល់ដល់ ការហ្វឹកហាត់ ។ បើសិនជាស្ថានភាពនេះនៅតែបន្ត ដោយខ្លួនមិនមានឱកាសលេង កីឡាករ Chicharito ក៏បានទទូចថា ខ្លួននឹងសម្រេចចិត្តចាកចេញពីក្លិប បិសាចក្រហម ។
បើតាម ប្រភពព័ត៌មានចុងក្រោយពី Old Traford បានឲ្យដឹងដែរថា “កីឡាករខ្សែប្រយុទ្ធដែលស្ថិតនៅក្នុងភ្នែករបស់ David Moyes គឺមានតែ Wayne Rooney , Robin van Persie និង Danny Welbeck ” ។ ដោយឡែកកីឡាករ Chicharito លោក David Moyes កំពុងរៀបចំលក់ផងដែរ បើសិនជាបានតម្លៃមួយសមរម្យនោះ ។
តែបើសិនដូចជា ព័ត៌មានចេញពី Old Traford យ៉ាងដូច្នោះមែន Chicharito មានតែ ទៅកាន់ក្លិប Atletico . Madrid ដែលធ្លាប់ល្បូង កន្លងមក។
នៅរដូវកាលនេះដែរ កីឡាករ Chicharito លេងបានតែ ៣១ ប្រកួតតែប៉ុណ្ណោះ ហើយ ២០ ប្រកួតទៀតគឺនៅអង្គុយកៅអី ។ ទន្ទឹមជាមួយនឹងគ្នានេះដែរ កីឡាករ Vidic នឹងចាកចេញពី បិសាចក្រហម នៅខែ មិថុនា ខាងមុខ ។ ដូចគ្នានេះដែរ អនាគត់របស់ Rio Ferdinand , Patrice Evra , Shinji Kagawa , Nani , Anderson និង Alex Büttner ក៏មិនស្ថិតស្ថេរនោះដែរ៕
ទស្សនា ជំនាញលេងរបស់ Chicharito លើទីលាន ៖
មតិយោបល់