បន្ទាយមានជ័យៈ ករណីគ្រោះថ្នាក់ចរាចរណ៍មួយបានកើតឡើង ក្រោយពីមានម៉ូតូម៉ាកMSX បើកក្នុងស្ថានភាពស្រវឹង រួចជ្រុលចង្កូតទៅបុកគូទគោយន្ត ដែលចតទុកលើចីញ្ចើមផ្លូវ បណ្តាលឲ្យអ្នកបើកម៉ូតូ និងអ្នករួមដំណើររងរបួសធ្ងន់។
ហេតុការណ៍នេះបានកើតឡើង កាលពីវេលាម៉ោង៨និង១៥នាទីយប់ ថ្ងៃទី៨ ខែមករា ឆ្នាំ២០១៨ ស្ថិតលើផ្លូវជាតិលេខ៥៦ ភូមិរលួស ឃុំរលួស ស្រុកស្វាយចេក ខេត្តបន្ទាយមានជ័យ។
ជនរងគ្រោះមានឈ្មោះ សាន មឿត ភេទប្រុស អាយុ១៩ឆ្នាំ(របួសធ្ងន់) បើកម៉ូតូម៉ាកMSX ពណ៌ខ្មៅ សេរីឆ្នាំ២០១៥ ពាក់ស្លាកលេខបន្ទាយមានជ័យ 1O-8036 និងអ្នករួមដំណើរឈ្មោះ ភាព រតនា ភេទប្រុស អាយុ១៨ឆ្នាំ(របួសធ្ងន់) ទាំង២នាក់ស្នាក់នៅភូមិតាអុង ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុក ដើម្បីដោះស្រាយបន្តតាមផ្លូវច្បាប់៕
មតិយោបល់