ផ្ទះ ព័ត៌មានជាតិ ស្លាប់ម្នាក់ ...

ស្លាប់ម្នាក់ របួសស្រាលម្នាក់ ខណៈជិះម៉ូតូឌុបគ្នាព្រលះបង្កាន់ដៃស្ពាន

0

កណ្តាល: ករណី​គ្រោះថ្នាក់ចរាចរណ៍ផ្លូវគោកមួយកើតឡើង ដោយនារី២នាក់​​ជិះ​ម៉ូតូ​​ឌុបគ្នា​បុក​បង្កាន់ដៃស្ពានព្រែកតាម៉ាក់ បណ្តាល​ឲ្យរងរបួសស្រាល​ម្នាក់ និង​ស្លាប់ម្នាក់​​ ខណ:ដឹកយកទៅដល់​មន្ទីរពេទ្យស្រុកមុខកំពូល កាល​ពីវេលាម៉ោង​១២និង០០នាទី ថ្ងៃទី១២មិថុនា នៅលើផ្លូវជាតិលេខ៨ ​ត្រង់ចំណុចភូមិកោះរការ ឃុំព្រែកអញ្ចាញ ស្រុកមុខកំពូល ខេត្តកណ្តាល។

ប្រភព​ឲ្យដឹងថា​ ​ជន​រងគ្រោះ ទី១ឈ្មោះ ខាត់ ស្រីរ៉េត ភេទស្រី អាយុ២៦ឆ្នាំ មានទីលំនៅភូមិស្វាត់ក្រោម ឃុំព្រែកតាម៉ាក់ ស្រុកខ្សាច់កណ្ដាល ខេត្តកណ្ដាល។ ទី២ អ្នកជិះពីក្រោយ​ ឈ្មោះ ខាត់ ថារ៉ា ភេទស្រី អាយុ២៨ឆ្នាំ មានទីលំនៅជាយួយគ្នា។

​ប្រភព​បន្តថា ហេតុការណ៍​ខាងលើនេះ បង្កឡើងដោយ​នារី២នាក់ជិះម៉ូតូឌុបគ្នា​ម៉ាកស្មាក់ ពណ៌ខ្មៅ ពាក់ផ្លាកលេខសៀមរាប1L-9195 បើកបរ​ពីត្បូងទៅជើង ហើយបត់ទៅកើតឡើងស្ពាន បានមកបុកបង្កាន់ដៃស្ពានព្រែកតាម៉ាក់ បណ្ដាលឲ្យរបួសស្រាលដល់អ្នកបើកបរម៉ូតូ និងរបួសធ្ងន់ដល់អ្នកជិះ​ពីក្រោយ ពេលបញ្ចូនមកដល់ពេទ្យស្រុកមុខកំពូល អ្នករបួសធ្ងន់បានដាច់ខ្យល់​ស្លាប់នៅក្នុងមន្ទីរពេទ្យ។ ចំណែក​ម៉ូតូជន​រងគ្រោះ​ ត្រូវ​បាន​ក្រុមគ្រួសារបានយកទៅផ្ទះ៕

Loading...