ភ្នំពេញ: បុរសវ័យកណ្ដាលម្នាក់សង្ស័យម្ចាស់ស្រវឹងស្រា​ បានបើករថយន្តយ៉ាងលឿនបុករះម៉ូតូ៥គ្រឿង រួចបួងចង្កូតបុករថយន្ត៣គ្រឿងទៀត រេចង្កូតបុករបងធនាគារមេគង្គ បណ្ដាលឲ្យជនបរទេសម្នាក់រងរបួសធ្ងន់​។

ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង៧យប់ ថ្ងៃទី១២ ខែមករា ឆ្នាំ២០១៨ នៅចំណុចមុខធនាគារមេគង្គ តាមបណ្ដោយមហាវិថីព្រះមុនីវង្ស សង្កាត់បឹងព្រលិត ខណ្ឌ៧មករា រាជធានីភ្នំពេញ​។

មុនពេលកើតហេតុ​ គេឃើញបុរសវ័យកណ្ដាលម្នាក់បើករថយន្តឡិចស៊ីស៥៧០ ពាក់ស្លាកលេខ​ 2O-9168 ក្នុងល្បឿនយ៉ាងលឿន ​ទិសដៅពីជេីងទៅត្បូង លុះដល់ចំណុចកើតហេតុខាងលើ​ ទៅបុករថយន្តម៉ាក Camary ហាយប្រីត ពណ៌ស្ករ ពាក់ស្លាកលេខ ភ្នំពេញ​ 2AL-2728 ហើយក៏រេចង្កូតបុកម៉ូតូ Dream សង់៣គ្រឿង និងម៉ូតូធំ ម៉ាក FZ ពណ៌ខ្មៅ​ ស្លាកលេខកំពង់ 1O-1516 គាបជាប់ក្រេាមរថយន្តរងរបួសស្រាល និងបុកកិនអូសម៉ូតូ Zoomer-X ពណ៌បែតងលាយខ្មៅ ពាក់ស្លាក់លេខ ភ្នំពេញ 1GL-8133 ជារបស់បុរសជនជាតិម៉ាឡេស៊ីម្នាក់ បណ្ដាលឲ្យរងរបួសធ្ងរ ហូរឈាមតាមមាត់ជោកខ្លួន រួចបួងចង្កូតបុករថយន្តហាយឡែនឌ័រ ពាក់ស្លាកលេខ ភ្នំពញ​ 2AK-5398 និងរថយន្ត សាំយ៉ុង មួយគ្រឿងទៀត បណ្ដាលឲ្យរងការខូចខាត​ រួចក៏បន្ថែមល្បឿនរេចង្កូតបុកទម្លុះរបងដែក បែកចូលដល់មុខធនាគារមេគង្គ បង្កការភ្ញាក់ផ្អើលទាំងយប់​តែម្ដង ចំណែកឯ​អ្នកបើកបរមិនទាន់ស្គាល់អត្តសញ្ញាណ ចុះរត់គេចខ្លួនបាត់​ភ្លាមៗផង ។

ក្រោយកើតហេតុនគរបាលមូលដ្ឋានបានចុះមកដល់កន្លែងកើត រួចបានទំនាក់ទំនងទៅសមត្ថកិច្ចជំនាញផ្នែកចរាចរណ៍ក្រុង ចុះមកវាស់វែងម៉ូតូនិងរថយន្ត និងស្ទូចយកទៅរក្សាទុក នៅការិយាលយ័ចរាចរណ៍ផ្លូវគោកក្រុងភ្នំពេញ ដេីម្បីរង់ចាំដោះស្រាយគ្នាតាមផ្លូវច្បាប់ពេលក្រោយទៀត៕