ពោធិ៍សាត់ៈ កាលពីវេលាម៉ោង ៨ និង៣០ នាទីព្រឹកថ្ងៃទី១៤ ខែមករា ឆ្នាំ២០១៨ មានករណីបុរសវ័យចំណាស់ម្នាក់ ត្រូវជ្រូកព្រៃខ្វេះ បណ្ដាលឲ្យរងរបួសធ្ងន់ នៅចំណុចអូររំចេក ភូមិសំឡាញ ឃុំក្រពើពីរ ស្រុកវាលវែង ខេត្តពោធិ៍សាត់។
ជនរងគ្រោះមានឈ្មោះ ប្រាក់ អាន ភេទប្រុស អាយុ ៧១ ឆ្នាំជនជាតិខ្មែរ រស់នៅភូមិឃុំខាងលើ។
តាមសមត្ថកិច្ច បានឲ្យដឹងថា មុនពេលកើតហេតុ ជនរងគ្រោះ បានទៅធ្វើស្មៅដំឡូងមីនៅចំការ ស្រាប់តែឃើញជ្រូកព្រៃដេញគាត់ ហើយគាត់ក៏រត់ទាក់និងវល្លិ៍ដួល ទើបត្រូវជ្រូកខ្វេះត្រគៀកខាងឆ្វេង ក្បាល ដៃឆ្វេង និងកំភួនជើងឆ្វេង បណ្ដាលឲ្យរងរបួសធ្ងន់៕
មតិយោបល់