បាត់ដំបងៈ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង រវាងម៉ូតូ បើកបុកម៉ូតូ ក្នុងទិសដៅស្របគ្នា ពីលិចទៅកើត បណ្តាលឲ្យរងរបួសធ្ងន់២នាក់ ត្រូវបញ្ជូនទៅកាន់មន្ទីរពេទ្យ កាលពីថ្ងៃទី១៤ ខែមករា ឆ្នាំ២០១៨ វេលាម៉ោង២និង៤៥នាទីរសៀល ស្ថិតលើផ្លូវជាតិលេខ៥៧ ភូមិស្តៅ ឃុំ ស្តៅ ស្រុករតនមណ្ឋល ខេត្តបាត់ដំបង។
ជនរងគ្រោះមានឈ្មោះ អ៊ូក ភេទប្រុស(របួសធ្ងន់) ស្នាក់នៅស្រុកសំឡូត បើកម៉ូតូម៉ាកCBR ពណ៍សលាយខ្មៅ គ្មានស្លាកលេខ។ ចំណែកម្ចាស់ម៉ូតូម៉ាហុងដាសេរី២០១៣ ពណ៌ខ្មៅ មានឈ្មោះ ឯក ចាន់ អាយុ៥៤ឆ្នាំ ភេទស្រី ស្នាក់នៅភូមិឃុំកើតហេតុ។
ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុក នៅអធិការដ្ឋាននគរបាលស្រុក ដើម្បីដោះស្រាយបន្តតាមផ្លូវច្បាប់៕
មតិយោបល់