Post News Media ព័ត៌មានជាតិ អគ្គិភ័យឆេះផ្...

អគ្គិភ័យឆេះផ្ទះប្រជាពលរដ្ឋ ផ្អើលទាំងយប់ នៅព្រៃវែង

ព្រៃវែង: កាលពី​វេលា​ម៉ោង​១​យប់​ឈានចូល​ថ្ងៃទី​១៥ ​ខែមករា​នេះ ​ធ្វើ​មានករណីអគ្គិភ័យឆាបឆេះផ្ទះមួយ ខ្ទេចអស់គ្មានសល់ ដែលហេតុការណ៍​នេះ​ កើត​ឡើង​នៅ​ចំណុច​ភូមិ​ស្រឡូង​ទី​២​ឃុំ​អង្គរ​ទ្រេត​ស្រុក​ស្វាយ​អ​ន្ទ​រ​ខេត្តព្រៃវែង​។​

​ម្ចាស់ផ្ទះ​ឈ្មោះ យា នាត និង​ប្រពន្ធ ឈ្មោះ នូ ថេ​ង នៅ​ភូមិ​ស្រឡូង​ទី​២​ឃុំ​អង្គរ​ទ្រេត ស្រុក​ស្វាយ​អ​ន្ទ​រ ខេត្តព្រៃវែង ។​
​ទោះបីជា​យ៉ាងណា​ករណីនេះ​មិន​បណ្ដាល​ឲ្យ​គ្រោះថ្នាក់​ដល់​មនុស្ស​ទេ គឺ។​

អគ្គិភ័យនេះ បាន​ឆេះផ្ទះទំហំ​៧ ​ម៉ែត្រ​កន្លះ ​X៥​ម៉ែត្រ ធ្វើ​ពី​ឈើប្រក់​ក្បឿង ជញ្ជាំង​ស័​ង្គ​សី និងទេព្យសម្បត្តិក្នុងផ្ទះខ្ទេចអស់ទាំងស្រុង​។​

តាមសមត្ថកិច្ច បានឲ្យដឹងថា ខណ:កើតហេតុ​ម្ចាស់ផ្ទះ ​មិនស្នាក់នៅទីនោះទេ គឺផ្ទះត្រូវបានបិទទ្វារ​​ទុកចោល ដោយម្ចាស់​ទៅធ្វើ​សំណង់​នៅ​ភ្នំពេញ​ទាំង​គ្រួសារ​ ដែលករណីនេះដែរ សមត្ថកិច្ចបានបញ្ជាក់ថា គឺមកពីឆ្លង​ចរន្ត​ផ្ទាំង​សូ​ឡា ដែលបង្កឲ្យមាន​អគ្គិភ័យនេះកើតទ្បើង៕