ភ្នំពេញ: តារាសម្តែង និងម៉ូដែលម្នាក់ទើបតែរះក្នុងវិថីសិល្ប: ឈ្មោះ ប៊ុន ថេត បានបាត់បង់ជីវិត ក្រោយគ្រោះថ្នាក់ចរាចរណ៍ កាលពីយប់មិញនេះ។
លោក អ៊ឹម ជីវ៉ា បានប្រាប់នៅមុននេះបន្តិច នៅរសៀលថ្ងៃទី១៣ ខែមិថុនា ឆ្នាំ២០១៦ បានឲ្យដឹងថា តារាសម្តែងម្នាក់ ដែលបាត់បង់ជីវិតក្នុងហេតុការណ៍គ្រោះថ្នាក់ចរាចរណ៍កាលពីយប់មិញនេះឈ្មោះ ប៊ុន ថេត ជាតារាសម្តែង និងម៉ូឌែលដែលទើបតែរះ ហើយក៏បានថតរឿងដែលកំពុងដាក់បញ្ចាំងក្នុងស្ថានីយទូរទស្សន៍ក្នុងស្រុកមួយ។
លោក អ៊ឹម ជីវ៉ា បានបន្តថា តារាសម្តែងខាងលើត្រូវបានក្រុមគ្រួសារយកទៅ សង្គ្រោះនៅប្រទេសវៀតណាមតែដោយរបួសធ្ងន់ធ្ងរពេកត្រង់ក្បាល ទើបធ្វើអោយតារាសម្តែងម្នាក់នេះបាត់បង់ជីវិតទាំងវ័យក្មេង គួរឲ្យអាសូនិងសោកស្តាយបំផុត។
ទន្ទឹមជាមួយនឹងគ្រោះថ្នាក់នេះ អ៊ឹម ជីវ៉ា ក៏បានអំពាវនាវឲ្យ តារាទាំងអស់ ដែលនិយមដើរកម្សាន្តនៅពេលរាត្រី មេត្តាប្រុងប្រយ័ត្នខ្ពស់បំផុត ក្នុងការបើកបរ ហើយការបើកបរនោះទៀតសោត ត្រូវតែគោរពច្បាប់ចរាចរណ៍ឲ្យបានត្រឹមត្រូវ៕
មតិយោបល់