Post News Media ព័ត៌មានជាតិ អាសូរណាស់! ក្...

អាសូរណាស់! ក្មេងស្រីអាយុ១០ឆ្នាំម្នាក់ លង់ទឹកស្លាប់យ៉ាងរន្ធត់

ព្រៃវែង: ក្មេងស្រីតូចម្នាក់ដែលមានកាយសម្បទាមិនសូវរឹងមាំ​​​ បានចុះទៅងូតទឹក​ស្រះតែឯង បណ្តាលឲ្យលង់ទឹកស្លាប់ ​យ៉ាងអាណោចអាធ័ម ខណ:ដែលឪពុក​ម្តាយ មិនបាននៅផ្ទះជាមួយក្មេងស្រីរងគ្រោះ។

ហេតុការណ៍នេះបានកើតឡើង កាលពីថ្ងៃទី២៣ ខែមករា ឆ្នាំ២០១៨ ស្ថិតក្នុងភូមិដង្គៀបក្តាម ឃុំពាមមន្ទារ ស្រុកកំពង់ត្របែក ខេត្តព្រៃវែង។

ជនរងគ្រោះមានឈ្មោះ ហន ម៉ានិត ភេទស្រី អាយុ១០ឆ្នាំ ​ស្នាក់នៅភូមិឃុំកើតហេតុ​។ ក្រោយទទួលបានដំណឹង ភ្លាមៗនោះសមត្ថកិច្ចបានចុះ ទៅធ្វើកោសល្យវិច័យលើសពរងគ្រោះ​ រួចប្រគល់​ជូនក្រុមគ្រួសារ យកទៅធ្វើបុណ្យតាមប្រពៃណី៕