ព័ត៌មានជាតិ

អង្គុយសុខៗ! ទាញពូថៅមកកាប់ ​ក្រឡេកឃើញទាន់ កុំអី..

កណ្តាល: សមត្ថកិច្ចបានឃាត់ខ្លួនជន​សង្ស័យម្នាក់ ពាក់ព័ន្ធនឹងករណីហិង្សាដោយចេតនា ដោយបានយកពូថៅកាប់ទៅលើបុរសម្នាក់ បណ្តាលឲ្យរងរបួសរយះដៃហូរឈាមមួយកន្លែង។

ហេតុការណ៍នេះបានកើតឡើង កាលពីថ្ងៃ​ព្រហស្បត្តិ៍​ ៩កើត ខែមាឃ ឆ្នាំរកា នព្វស័កព.ស២៥៦១ ត្រូវនឹងថ្ងៃទី២៥ ខែមករា ឆ្នាំ២០១៨ ​វេលាម៉ោង​៩​និង៥នាទី​ព្រឹក ស្ថិតក្នុងភូមិព្រែកតាកែវ២ ឃុំសំរោងធំ ស្រុកកៀនស្វាយ ខេត្តកណ្តាល។

ជនរងគ្រោះមានឈ្មោះ រ៉ា សុវណ្ណា ភេទប្រុស អាយុ៣៦ឆ្នាំ ជនជាតិខ្មែរ មុខរបរកសិករ ​មានទីលំនៅភូមិ​ជ្រោយដង​ ឃុំ សំរោងធំ ស្រុកកៀនស្វាយ ខេត្តកណ្តាល(រងរបួសបាតដៃស្តាំ) ប្រវែង​១សង់ទីម៉ែត្រ ជម្រៅ១សង់ទីម៉ែត្រ​ និងជនសង្ស័យ​​ ឈ្មោះ ហ្សង សុខឡេង ហៅខ្ចៅ​ ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកតាកែវ២ ឃុំសំរោងធំ ស្រុកកៀនស្វាយ ខេត្តកណ្តាល(ឃាត់ខ្លួន) ។ ចំណែកវត្ថុតាងដែលចាប់យក រួមមាន​ ពូថៅចំនួន​១ ​ផ្លែដែកមានទំហំ៦ស​ង់ទីម៉ែត្រ និងដងឈើមានប្រវែង៣៦សង់ទីម៉ែត្រ

​​មុនពេលកើតេហេតុ នៅថ្ងៃខែឆ្នាំដដែលលាម៉ោងកើតហេតុ ជនរងគ្រោះកំពុងអង្គុយកត់ឆ្នោត ជាតិនៅក្រោមផ្ទះរបស់ឈ្មោះ នាង ស្រីពៅ ភេទស្រី អាយុ៥០ឆ្នាំ ជនជាតិខ្មែរ មុខរបរកសិករ មានទីលំនៅភូមិឃុំកើតហេតុ ពេលនោះស្រាប់តែមាន គេស្រែកប្រាប់ជនរងគ្រោះថា​ ឈ្មោះ ហង្ស សុខឡេង​ មកហើយ ពេលលឺដូច្នេះជនរងគ្រោះក៍បានក្រលេកមើល ទៅខាងក្រោយស្រាប់តែឃើញជនសង្ស័យបានកាន់ពូថៅជាប់និងដៃ ហើយបានហក់ទៅកាប់ជនរងគ្រោះ តែជនរងគ្រោះលើកដៃរង ក៍បានត្រូវនឹងពូថៅ បណ្តាលឲ្យមានរបួសបាតដៃខាងឆ្វេងហូរឈាម ភ្លាមនោះជនរងគ្រោះក៍បានរត់ទៅ​ ទិសខាងលិចក្រោយភូមិ ​បន្ទាប់មកជនរងគ្រោះ​បានមកដាក់ពាក្យបណ្តឹង នៅប៉ុស្តិ៍នគរបាលរដ្ឋបាលសំរោងធំ។

ក្រោយទទួលបានដំណឹងសមត្តកិច្ចប៉ុស្តិ៍ ក៍ចុះទៅដល់កន្លែងកើតហេតុ ធ្វើការឃាត់ខ្លួនជនសង្ស័យមកប៉ុស្តិ៍ ដើម្បីសាកសួរ រួច​បញ្ជូនមកអធិការរដ្ឋាន​នគរបាលស្រុក ដើម្បីបន្តចាត់ការតាមនីតិវិធីច្បាប់​៕

មតិយោបល់