កំពង់ចាមៈ ជនសង្ស័យម្នាក់ ត្រូវបានសមត្ថកិច្ចឃាត់ខ្លួន ខណៈដែលមកទទួលបញ្ញើបាវអង្ករ ដែលមានលាក់ថ្នាំញៀននៅខាងក្នុង។
ការឃាត់ខ្លួននេះបានធ្វើការកាលពីវេលាម៉ោង៥និង៤៥នាទី ល្ងាចថ្ងៃទី២៦ ខែមករា ឆ្នាំ២០១៨ នៅចំណុចចុងស្ពានគីហ្សូណាត្រើយខាងកើត។
ជនសង្ស័យមានឈ្មោះ សូ កូត ភេទប្រុស អាយុ២០ឆ្នាំស្នាក់នៅភូមិបឹងព្រួល ឃុំបឹងព្រួល ស្រុកត្បូងឃ្មុំ ខេត្តកំពង់ចាម ត្រូវបានសមត្ថកិច្ចឃាត់ខ្លួនតាមសេចក្តីរាយការណ៍របស់អ្នកបើករថយន្តតាកស៊ី ក្រោយពីឃើញបាវអង្ករនោះមានលាក់ថ្នាំញៀន ហើយក៏ត្រូវសមត្ថកិច្ចឃាត់ខ្លួន ខណៈដែលមកទទួលបញ្ញើបាវអង្ករ ដែលក្នុងនោះ មានម្សៅក្រាមពណ៌សសង្ស័យថ្នាំញៀន ចំនួន ៦កញ្ចប់ (ធំ ១ញ្ចប់ តូច ៥កញ្ចប់) បញ្ជូនទៅចាត់ការបន្តតាមផ្លូវច្បាប់តែម្តង៕
មតិយោបល់