Post News Media ព័ត៌មានជាតិ លួចម៉ូតូមុខកា...

លួចម៉ូតូមុខកាស៊ីណូ​ លី តេងអាន ចុងក្រោយជាប់ខ្នោះ!

តាកែវ: កម្លាំងជំនាញការិយាល័យ នគរបាលព្រហ្មទណ្ឌកម្រិតស្រាល នៃស្នងការនគរបាលខេត្តតាកែវ បានបញ្ជូនសំណុំរឿង និងជនសង្ស័យចំនួន​២នាក់ ពីបទ​លួចម៉ូតូអ្នកដទៃ​ នៅថ្ងៃពុធ ១៥កើត ខែមាឃ ឆ្នាំរកា នព្វស័ក​ព.ស២៥៦១ ត្រូវនឹងថ្ងៃទី៣១ ខែមករា ឆ្នាំ២០១៨។

ពាក់ព័ន្ធនឹងករណីនេះ ជនសង្ស័យបានធ្វើសកម្មភាពលួច កាលពីថ្ងៃអាទិត្យ ១២កើត ខែមាឃ ឆ្នាំរកា នព្វស័ក​ព. ស២៥៦១ ត្រូវនឹងថ្ងៃទី២៨ ខែមករា ឆ្នាំ២០១៨ វេលាម៉ោង១រសៀល ស្ថិតនៅមុខកាស៊ីណូ លី តេងអាន ​នៅក្នុងភូមិថ្មបីដុំ ឃុំកំពង់ក្រសាំង ស្រុកបូរីជលសារ ខេត្តតាកែវ​។

ជនសង្ស័យទី១មាន​ឈ្មោះ ង្វៀង ហ្វាងមិន ភេទប្រុស អាយុ៣៩ឆ្នាំ មុខរបរកម្មករ ស្នាក់នៅភូមិវ៉ាឡឺយ ឃុំភូហៀប ស្រុកភូតឹង ខេត្តអាងយ៉ាង វៀតណាម​ និងទី២​ឈ្មោះ ឡេ យ៉ាំងហ្វា ភេទប្រុស អាយុ៤៥ឆ្នាំ មុខរបរកម្មករ ស្នាក់នៅភូមិហ៊ឹងឡឺយ ឃុំដាវហ៊ូ ស្រុកចូវភូ ខេត្តអាងយ៉ាង ប្រទេសវៀតណាម៕