សៀមរាម: សមត្ថកិច្ចបានប្រាប់Post Newsថា មានករណីគ្រោះថ្នាក់ចរាចរណ៍មួយបានកើតឡើង ដោយមានរថយន្តម៉ាក ឡិចស៊ីស ស្លាកលេខ ភ្នំពេញ 2AI-2259 សង្ស័យងងុយដេក បានបើកបុកបង្គោលគីឡូម៉ែត្រខ្ទេចមួយកំណាត់ខាងមុខយ៉ាងដំណំតែម្តង។

ហេតុការណ៍នេះកើតឡើងកាលពីថ្ងៃទី៣០ ខែមករា ឆ្នាំ២០១៨ ស្ថិតនៅចំណុចផ្លូវជាតិ​លេខ​៦ ភូមិ​ស្ពាន​ត្នោត​២​ ឃុំ​ស្ពាន​ត្នោត​ ស្រុក​ជីក្រែង ​ខេត្តសៀមរាប។

មុនពេលកើតហេតុ គេបានឃើញរថយន្តម៉ាក ឡិចស៊ីស GX470 ពណ៌ស ពាក់ស្លាកលេខ ភ្នំពេញ 2AI-2259 រួមដំណើរក្នុងរថយន្តដោយបុរស២នាក់ បើកក្នុង​ទិសដៅ​កើ​តទៅ​​លិច ​លុះដល់ចំណុចកើតហេតុ សង្ស័យងងុយដេក ក៏ជ្រុល​ចង្កូត​ទៅបុក​បង្គោលគីឡូម៉ែត្រ​ដែលនៅចិញ្ចើមផ្លូវយ៉ាងពេញទំហឹង បណ្តាលឲ្យខ្ទេចមួយកំណាត់ខាងមុខតែម្តង តែមិនបណ្តាលឲ្យនរណាម្នាក់រងរបួសនោះទេ ហើយក្រោយកើតហេតុ ខាងភាគីរថយន្តបង្ក បានចូលខ្លួនដោះស្រាយសងសំណងទៅឲ្យខាងក្រសួងសាធារណ:ការ ដើម្បីបញ្ចប់រឿងផងដែរ៕