អតីតកីឡាករដ៍ឆ្នើម ដែលធ្លាប់ចំណាយរយៈពេល ១២ឆ្នាំនៅ Old Trafford និងជាស្តេចទាត់បាល់ Free Kick របស់ក្រុមជម្រើសជាតិអង់គ្លេស David Beckham ជឿជាក់ថា លោក​ Jose Mourinho គឺជាគ្រូបង្វឹកល្អរបស់ក្រុមបីសាចក្រហម Manchester United បន្ទាប់ពីលោក Sir Alex Fergusen ។

ជាក់ស្តែងណាស់ បើតាមការចុះផ្សាយរបស់ Daily Star បានឲ្យដឹងថា នៅក្នុងការប្រារព្ធពិធីប្រកាសផ្លូវការណ៍នៃការ​បង្កើត​ក្លិបបាល់ទាត់ Miami ត្រៀមចូលរមប្រកួត MSL របស់សហរដ្ឋអាមេរិកនៅឆ្នាំ ២០២០ ខាងមុខនេះ ស្ថាបនិកក្លិប David Beckham បានឆ្លៀតលើកសរសើពីការដឹកនាំ​របស់លោក Jose Mourinho ។ Beckham បាននិយាយថា បន្ទាប់ពីលោក Sir Alex Ferguson ទៅ មានតែលោក Jose Mohrinho ម្នាក់ប៉ុណ្ណោះ ដែលអាចដឹកនាំ Man Utd ឲ្យមានភាពខ្លាំងក្លាឡើងវិញ​នោះ។

ជាការពិតណាស់ ទើបតែ២រដូវកាលមិនទាន់ស្រួលបួលផង Man Utd មានការវិវត្តន៍ច្រើនជាងមុនឆ្ងាយណាស់ ដោយគិតចាប់តាំង​ពីលោក Sir Alex Ferguson ចាកចេញកាលពីឆ្នាំ ២០១៣កន្លងមក។ អ្វីដែលសំខាន់នោះ Man Utd បានឈ្នះ Europa League ក្នុងប្រវត្តិសាស្ត្ររបស់ក្លិប​កំពូលអង់គ្លេសមួយនេះ ថ្វីមិនមែនជាពានកំពូលរបស់អឺរ៉ុប​តែជាសមទ្ធិផលដ៍ល្អមួយក្រោមការដឹកនាំរបស់លោក Mourinho ។

ម្យ៉ាងវិញទៀត David Beckham មានជំនឿចិត្តយ៉ាងមុតមាំថា លោក Jose Mourinho នឹងធ្វើឲ្យ Man Utd ឈ្នះពានច្រើនបន្តទៀត ដូចទៅនឹង​សមទ្ធិផលដែលលោកធ្លាប់ដឹកនាំ FC Porto, Chelsea, Inter Milan និង Real Madrid កន្លងមកនេះ។