ចរាចរណ៍អ្នកដំណើរនៅព្រលានយន្តហោះ Changi Airport បានកើនឡើង ៣,២ភាគរយនៅក្នុងខែតុលា ដោយមានចំនួន ៤,៤១លាននាក់។ នេះបើយោងតាមរបាយការណ៍ពីព្រលានយន្តហោះកាលពីថ្ងៃព្រហស្បតិ៍។
នៅក្នុងរយៈពេល ១០ខែដំបូងនៃឆ្នាំនេះ ចរាចរណ៍អ្នកដំណើរបានកើនឡើង ៥,៦ភាគរយ ដោយមានមនុស្សចំនួន ៤៤,១៥លាននាក់ ដោយនៅក្នុងនោះចំនួនជើងហោះហើរនៅក្នុងខែតុលា បានកើនឡើង ៦,៧ភាគរយ។
ចរាចរណ៍អ្នកដំណើរទៅកាន់ភាគឦសាន តំបន់អាស៊ីអាគ្នេយ៍ តំបន់អាស៊ី និងមជ្ឈឹមបូព៌ាបានកើនឡើងនៅក្នុងរយៈពេល ១០ខែដំបូង។ ក្នុងនោះចំនួនអ្នកដំណើរដែលច្រើនជាងគេគឺមកពីឥណ្ឌូនេស៊ី ជប៉ុន និងប្រទេសម៉ាឡេស៊ីបានកើនឡើងពីរខ្ទង់នៃចរាចរអ្នកដំណើរក្នុងខែតុលា។
សេចក្ដីថ្លែងមួយបានបញ្ជាក់ថា មានប្រតិបត្តិការជាង ១០០ នៃព្រលានយន្តហោះ Changi ដែលភ្ជាប់ទៅកាន់ទីក្រុងសាំងហ្គាពួរ និងទីក្រុងនានាចំនួន ២៧០ ព្រមទាំង ៦០ប្រទេសផ្សេងទៀតនៅជុំវិញពិភពលោក ដោយក្នុងមួយសប្ដាហ៍ មានជើងហោះហើរចំនួន ៦.៨០០ ដោយមានការចុះចត និងហោះឡើង រៀងរាល់ ៩០វិនាទីម្ដង៕
មតិយោបល់