បាត់ដំបងៈ លោកវរសេនីយ៍ទោ ស៊ា ធី អធិការនគបាលស្រុករុក្ខគិរី បានប្រាប់Post Newsថា មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូវ៉េវ បើកបុកគោយន្ត ក្នុងទិសដៅបញ្រ្ចាសគ្នា បណ្តាលឲ្យស្លាប់ម្នាក់ និងរបួសម្នាក់ ត្រូវបញ្ជូនទៅកាន់មន្ទីរពេទ្យ។
ហេតុការណ៍នេះបានកើតឡើង កាលពីថ្ងៃទី១ ខែកុម្ភៈ វេលាម៉ោង៥និង៣០នាទីល្ងាច ស្ថិតនៅលើផ្លូវក្រាលកៅស៊ូ កន្លែងផ្លូវបត់កែង ត្រង់ណុចក្រុមទី១០ ភូមិព្រៃអំពាន់ ឃុំព្រៃស្តុកប្រវ៉ឹក ស្រុករុក្ខគិរី ខេត្តបាត់ដំបង។
ជនរងគ្រោះមានឈ្មោះ ប្រុស សិទ្ធ ភេទប្រុស អាយុ១៧ឆ្នាំ(ស្លាប់) រស់នៅភូមិប្រឡាយ១៨ ឃុំស្តុកប្រវ៉ឹកបើកម៉ូតូម៉ាកវ៉េវអាល់ហ្វា គ្មានស្លាកលេខ និងម្ចាស់ម៉ូតូមានឈ្មោះ សង ប្រូច ភេទប្រុស អាយុ២៩ឆ្នាំ រស់នៅភូមិរុន ឃុំឬស្សីក្រាំង ស្រុកមោងឬស្សី ខេត្តបាត់ដំបង។ បើកគោយន្តកន្ត្រៃ ម៉ាកkubota។
ក្រោយកើតហេតុ សមត្ថកិច្ចបាននាំយកមធ្យោបាយ មករក្សាទុកនៅអធិការដ្ឋាននគរបាលស្រុក ដើម្បីដោះស្រាយបន្តតាមផ្លូវច្បាប់៕
មតិយោបល់