ភ្នំពេញ: មន្ត្រីអគ្គិសនីម្នាក់បើករថយន្ត Ford បោលបុករបាំងដែកពុះចែកទ្រូងផ្លូវ បាក់អស់៨ផ្ទាំង រួចព្យាយាមបើករថយន្តរត់ចេញពីកន្លែងបានប្រមាណជាង១គីឡូម៉ែត្រ តែរថយន្តខូចទៅមុខលែងរួចកាលពីម៉ោង១២:១០នាទីរំលងអាធ្រាត្រឈានចូលថ្ងៃទី១៥ ខែមិថុនា ឆ្នាំ២០១៦នេះ នៅមហាវិថីសហពន្ធរុស្ស៊ី ត្រង់មុខធនាគាអេស៊ីលីដា ស្ថិតក្នុងសង្កាត់កាកាប ខណ្ឌពោធិ៍សែនជ័យ។
ប្រភពឲ្យដឹងថា ហេតុការណ៍បង្កឡើងដោយមន្ត្រីអគ្គិសនីម្នាក់ បើករថយន្ត Ford ស្លាកលេខរដ្ឋ13-2-0818 បុករបាំងដែកពុះចែកទ្រូងផ្លូវ បាក់អស់៨ផ្ទាំង ហើយព្យាយាមបើករថយន្តរត់ចេញពីកន្លែងបានប្រមាណជាង១គីឡូម៉ែត្ររហូតទាល់តែរថយន្តខូចទៅមុខលែងរួច តែសំណាងល្អគ្មានអ្នករងរបួសទេ។
បច្ចុប្បន្ន រថយន្តបង្កត្រូវបានរក្សាទុក ដើម្បីដោះស្រាយតាមនិតិវិធី៕
មតិយោបល់