តាកែវៈ មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ២គ្រឿងបានបុកគ្នាពេញទំហឹង ខ្ទាតម៉ូតូចូលក្រោមរថយន្តក្រុមហ៊ុនTR កិនស្លាប់ម្នាក់ និង២នាក់ទៀតរបួសធ្ងន់។

ហេតុការណ៍នេះកើតឡើងនៅម៉ោង៨និង៥នាទីយប់ ថ្ងៃទី២៨ ខែកុម្ភៈ ឆ្នាំ២០១៨ នៅផ្លូវជាតិលេខ៣ ចន្លោះគីឡូម៉ែត្រលេខ៧១-៧២ ភូមិអង្គគគីរ ឃុំតាសោម ស្រុកត្រាំកក់ ខេត្តតាកែវ។

ករណីនេះកើតឡើង រវាងម៉ូតូសង់សេ១២៥ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ តាកែវ 1M-6384 បើកបរដោយបុរសម្នាក់ ជាជាងដែក ឌុបប្រពន្ធនៅខាងក្រោយ ជិះពីត្បូងមកជើង លុះដល់ចំណុចកើតហេតុក៏បានបុកជាមួយនឹងម៉ូតូមួយគ្រឿងទៀតដែលកំពុងជិះពីជើងទៅត្បូង ពេញទំហឹង បណ្តាលឲ្យខ្ទាតចូលក្រោមកង់រថយន្ត១គ្រឿងម៉ាកហ៊ីយ៉ាន់ដាយ ពណ៌ក្រហម ស្លាកលេខភ្នំពេញ 3C-0888 បណ្តាលឲ្យស្លាប់និងរបួសធ្ងន់បែបនេះតែម្តង៕