ព្រះសីហនុៈ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូ២គ្រឿង បានបុកគ្នាពេញទំហឹង បណ្តាលឲ្យរបួសទាំងសងខាង។

ហេតុការណ៍នេះកើតឡើងនៅម៉ោង៦និង៤០នាទីយប់ ថ្ងៃទី១ ខែមីនា ឆ្នាំ២០១៨ នៅចំណុចចន្លោះបង្គោលគីឡូម៉ែត្រ២១១-២១២ ភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ.

បើយោងតាមប្រភពព័ត៌មានបានឲ្យដឹងថា មុនពេលកើតហេតុគេឃើញម៉ូតូសង់ ពណ៌ខ្មៅ ស្លាកលេខ ព្រះសីហនុ 1F-0432 បើកបរដោយបុរសម្នាក់ លុះដល់ចំណុចកើតហេតុ ក៏បានបុកជាមួយម៉ូតូស៊ុយសាគីនិច ពណ៌ស ស្លាកលេខ ភ្នំពេញ1FA-5251បើកបរដោយយុវជនម្នាក់ ក្នុងទិសដៅបញ្ច្រាសទិសគ្នា បណ្តាលឲ្យដួលរបួសទាំងសងខាងតែម្តង ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យ៕