ស្ទឹងត្រែងៈ ជនសង្ស័យជាជនជាតិឡាវម្នាក់ ដែលជាមេខ្លោងលក់គ្រឿងញៀន ត្រូវបានកម្លាំងនគរបាលការិយាល័យ «ក៥» នៃមន្ទីរប្រឆាំងគ្រឿងញៀន សហការជាមួយនគរបាលខេត្តស្ទឹងត្រែង ចាប់ខ្លួនបាន ដកហូតថ្នាំញៀន៣០គីឡូក្រាម។
ប្រតិបត្តិការនេះបានធ្វើឡើងកាលពីវេលាម៉ោង៩និង៤០នាទីព្រឹកថ្ងៃទី៣ ខែមីនា ឆ្នាំ២០១៨ ។
ជនសង្ស័យខាងលើនេះមានឈ្មោះ កុប គីរីប៉ាត់ ភេទប្រុស ជនជាតិឡាវ អាយុ៤៣ឆ្នាំ ទីលំនៅភូមិថាំងឃុក ស្រុក-ខេត្តចំប៉ាសាក់ ដោយចាប់យកវត្ថុតាង៖ សារធាតុញៀនប្រភេទមេតំហ្វេតាមីន(ICE) ចំនួន៣០កញ្ចប់ ទម្ងន់ប្រមាណ៣០គីឡូក្រាម ពេលនេះសមត្ថកិច្ចកំពុងកសាងសំណុំរឿងចាត់ការតាមនីតិវិធីច្បាប់៕
មតិយោបល់