កំពង់ឆ្នាំងៈ មានករណីគ្រោះថ្នាក់ចរាចរណ៍មួយបានកើតឡើង រវាងម៉ូតូសង់កូរ៉េ ជិះ២នាក់ឪពុកកូន បានបុកជាមួយនឹងរថយន្តឡិចស៊ីស បណ្តាលឲ្យស្លាប់ទាំង២នាក់ឪពុកកូន។

ហេតុការណ៍នេះកើតឡើងនៅម៉ោង៧និង២៥នាទីយប់ ថ្ងៃទី២ ខែមីនា ឆ្នាំ២០១៨ នៅភូមិស្ពានពោធិ៍ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង។

សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍នេះកើតឡើងរវាងម៉ូតូម៉ាក សង់កូរ៉េ ពណ៌ក្រហម ជាប្រភេទម៉ូតូកែច្នៃ គ្មានស្លាកលេខ បើកដោយឈ្មោះ ហេម រិទ្ធី ហៅប្រុស ភេទប្រុស អាយុ៣៨ឆ្នាំ ជិះឌុបកូនស្រីអាយុ៤ឆ្នាំនៅខាងក្រោយ លុះដល់ចំណុចកើតហេតុ បានបុកជាមួយរថយន្តម៉ាក ឡិចស៊ីស ពណ៌ខ្មៅ ស៊េរីឆ្នាំ២០១៦ ពេញទំហឹង បណ្តាលឲ្យស្លាប់ទាំង២នាក់ឪពុកកូនតែម្តង៕