ភ្នំពេញ: យោងតាមផេកស្នងការដ្ឋាននគរបាលរាជធានីភ្នំពេញបានឲ្យដឹងថា នៅថ្ងៃទី០៩ ខែមីនា ឆ្នាំ២០២១ សមត្ថកិច្ចអធិការដ្ឋាននគរបាល ខណ្ឌចម្ការមន បានសហការជាមួយសមត្ថកិច្ចអធិការដ្ឋាននគរបាល ខណ្ឌ៧មករា បានធ្វើការស្រាជ្រាវ និងឃាត់ក្មេងទំនើងមួយក្រុមចំនួន ១៣នាក់ ករណីក្មេងទំនើងមកកាប់មកលើក្មេងមួយក្រុមទៀត នៅចំណុចខាងក្រោយសាលារៀនបាក់ទូក។ ហេតុការណ៍នេះកើតឡើងកាលពីថ្ងៃទី០៥ ខែមីនា ឆ្នាំ២០២១ វេលាម៉ោង២១:៤៥នាទី នៅចំណុចខាងក្រោយលីកាដូរ ផ្លូវ៩៧ សង្កាត់បឹងត្របែក ខណ្ឌចម្ការមន មានក្មេងទំនើងមកកាប់មកលើក្មេងមួយក្រុមទៀត។
វត្ថុតាងចាប់យក ៖ កាំបិតបុ័ងតោចំនួន ២, ដាវចំនួន ១ដើម។
បច្ចុប្បន្នក្មេងទំនើងទាំង១៣នាក់ខាងលើ សមត្ថកិច្ចអធិការដ្ឋាននគរបាល ខណ្ឌចម្ការមន កំពុងកសាងសុំណុំរឿងបញ្ជូនទៅតុលាការ ដើម្បីចាត់ការបន្តតាមនីតិវិធីច្បាប់៕
មតិយោបល់