ភ្នំពេញ: យុវជនម្នាក់បានស្លាប់ភ្លាមៗនៅកន្លែងកើតហេតុ ខណ:ដែលជិះម៉ូតូចេញពីជួបជុំផ្ទះមិត្តភក្តិ ហើយបានជ្រុលបុកដើមឈើ និងជញ្ជាំងផ្ទះប្រជាពលរដ្ឋពេញទំហឹង កាលពីវេលាម៉ោង១០និង៣០នាទីយប់ថ្ងៃទី៧ ខែមីនា ឆ្នាំ២០១៨ ស្ថិតនៅតាមបណ្តោយផ្លូវលេខ៣២៧ ខាងត្បូងសាលាវិទ្យាល័យឥន្រ្ទទេវី ប្រមាណជាង២០ម៉ែត្រ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។

ជនរងគ្រោះត្រូវបានគេស្គាល់ឈ្មោះ ខែប រស្មី ភេទប្រុស អាយុ២២ឆ្នាំ មុខរបរបុគ្គលិកហាងCK ស្នាក់នៅភូមិទួលគោក សង្កាត់ឬស្សីកែវ ខណ្ឌឬស្សីកែវ មានស្រុកកំណើតនៅឃុំ ញ៉ែងញ៉ង ស្រុកត្រាំងកក់ ខេត្តតាកែវ។

តាមសម្តីមិត្តភក្តិជនរងគ្រោះបានឲ្យដឹងថា នៅមុនពេលកើតហេតុ ពួកគាត់មានគ្នា៥នាក់ បានជួបជុំគ្នានៅផ្ទះមិត្តភក្តិម្នាក់ទៀតនៅម្តុំផ្សារដីហុយ ដោយបានផឹកស្រាបៀរអស់ចំនួនកន្លះកេះ បន្ទាប់មកក៏បែកគ្នាទៅផ្ទះរៀងខ្លួនដោយរួបគាត់បានជិះម៉ូតូមួយគ្រឿងម្នាក់ចំណែកជនជនរងគ្រោះបានជិះម៉ូតូមួយគ្រឿងម៉ាកGB ពណ៌ខ្មៅ ពាក់ស្លាកលេខ ភ្នំពេញ 1DC-4011ទិសដៅពីត្បូងទៅជើងមួយគ្រឿងផ្សេងគ្នា មុខនិងក្រោយ លុះពេលមកដល់ចំណុចកើតហេតុ ខណ:ដែលរូបគាត់ជិះទៅមុនចម្ងាយប្រហែល៤០ម៉ែត្រពីគ្នា ស្រាប់តែលឺសំឡេងរោទ៍ម៉ូតូ ពេលនោះរូបគាត់ក្រឡេកមើលឃើញជនរងគ្រោះជ្រុលទៅបុកនិងដើមឈើហើយបន្តទៅបុកជញ្ជាំងផ្ទះប្រជាពលរដ្ឋមួយកន្លែងទៀត។

សាក្សីដដែលបានបន្តថា ភ្លាមនោះរូបគាត់បានមកមើលឃើញជនរងគ្រោះដេកលែងដឹងខ្លួន ទើបខលហៅរថយន្តសង្គ្រោះដើម្បីមកទទួលតែក្រុមគ្រូរពេទ្យបានបញ្ជាក់ថាជនរងគ្រោះបានបាក់កស្លាប់បាត់ទៅហើយ។

ក្រោយកើតហេតុសមត្ថកិច្ចបានចុះមកដល់ចំណុចកើតហេតុបាន ធ្វើកាវាស់វែងយកម៉ូតូទៅរក្សាទុកនៅអធិការដ្ឋាននគរបាលខណ្ឌទួលគោករង់ចាំសាច់ញាតិមកទទួលយកត្រឡប់ទៅផ្ទះវិញ។ ដោយឡែកសពជនរងគ្រោះសមត្ថកិច្ចប្រគល់សាច់ញាតិយទៅកធ្វើបុណ្យតាមប្រពៃណី៕