បាត់ដំបងៈ នៅវេលាម៉ោង៤និង៥៥នាទីល្ងាច ថ្ងៃទី១០ ខែមីនា ឆ្នាំ២០១៨ មានករណី អំពើហិង្សាដោយចេតនាមានស្ថានទម្ងន់ទោស(ប្រើប្រាស់អាវុធ) ប្រព្រឹត្តកាលពីថ្ងៃទី៨ ខែមីនា ឆ្នាំ២០១៨ វេលាម៉ោង៨យប់ នៅចំណុចភូមិចង្ហូរស្វាយ ឃុំចែងមានជ័យ ស្រុកបាណន់ ខេត្តបាត់ដំបង។
ជនរងគ្រោះឈ្មោះ ឆ.គ.ល ភេទស្រី អាយុ៤៦ឆ្នាំ (ជាបងថ្លៃស្រីរបស់ជនល្មើស)។ ចំណែកជនល្មើសឈ្មោះ ច្រឹង ទី ភេទប្រុស អាយុ៣៨ឆ្នាំ(ជាប្អូនថ្លៃប្រុស) អ្នកទាំង២នាក់ស្នាក់នៅភូមិឃុំកើតហេតុ។

មូលហេតុ ជនល្មើសផឹកស្រាស្រវឹងឈ្លោះជាមួយបងថ្លៃស្រី ហើយបានយកកាំភ្លើងខ្យល់ វាយទៅលើបងថ្លៃស្រី បណ្តាលឲ្យរបួសលើផ្ទៃមុខនិងបែកក្បាល។
ករណីនេះ កម្លាំងជំនាញកសាងសំណុំរឿងចាត់ការតាមនីតិវិធីច្បាប់៕